Colin Deguara | One News - Part 7

Colin Deguara

Notifiki

Malta u Franza huma tal-istess ħsieb dwar il-problemi tal-immigrazzjoni fil-Libja

Il-Ministru għall-Affarijiet Barranin, Carmelo Abela kellu laqgħa bilaterali mal-ministru Franċiż għall-affarijiet Barranin, Jean-Yves Le Drian ftit mumenti qabel tibda l-laqgħa tal-5+5 f’pajjiżna.

Fil-laqgħa tagħhom ġie kkonfermat li Malta u Franza jinsabu fuq l-istess paġna quddiem l-problemi tal-immigrazzjoni u s-sitwazzjoni fil-Libja. Il-Ministru Franċiż saħaq li ż-żewġ pajjiżi jafdaw ħafna f’xulxin. Dan hekk kif huwa stqarr li Franza dejjem għenet lil Malta fi problemi tal-immigrazzjoni. Huwa qal li Franza dejjem emmnet fl-importanza ta’ rispons malajr għal urġenzi umanitarji, madankollu issa hemm bżonn jinsabu soluzzjonijiet fit-tul.

Quddiem l-iżvolta fi Brexit, il-Ministru Franċiż saħaq li issa l-pajjiżi ewropej għandhom jippreparaw ruħhom għat-tibdil li ġġib magħha Brexit mingħajr ftehim.

F’kummenti ma’ ONE News, il-Ministru Carmelo Abela saħaq li l-laqgħa tal-‘5+5’ li se tlaqqa’ għaxar Ministri għall-Affarijiet Barranin ta’ pajjiżi miż-żewġ naħat tal-Mediterran, hija kruċjali sabiex isiru d-diskussjonijiet neċessarji dwar il-problema tal-immigrazzjoni.

“Il-PN mhux kredibbli jitkellem fuq il-valur tal-art pubblika”- il-PL

Il-Partit Nazzjonalista mhux kredibbli li jitkellem fuq il-valur tal-art pubblika. Sostna dan il-Partit Laburista b’reazzjoni għal akkużi li qed jagħmel il-Partit Nazzjonalista dwar proċess li għaddej dwar art li se tintuża għal investiment turistiku.

Il-Partit Laburista nnota li l-ġimgħa li għaddiet, il-Qorti kkonfermat ir-responsabbilità tad-deputat Jason Azzopardi fl-iskandlu tal-art tal-Löwenbräu.  Fejn l-uniku tellief fid-deal tal-art kien il-poplu Malti.Aqra aktar

Il-PM Theresa May tirbaħ il-vot ta’ fiduċja bi żbrixx

Il-Prim Ministru tal-Ingilterra Theresa May rebħet il-vot ta’ fiduċja li tressaq mill-kap tal-Partit Laburista Ingliż, Jeremy Corbyn. Il-Gvern ingliż rebaħ il-vot b’ dsatax il-vot hekk kif 325 membru parlamentari vvutaw favur il-gvern filwaqt li 306 ivvutaw kontra.

Dan il-vot ittieħed l-għada li l-parlament Ingliż ivvota kontra l-ftehim dwar Brexit maqbul mal-Unjoni Ewropea.

B’reazzjoni għall-vot, il-Prim Ministru Theresa May saħqet li se tiltaqa’ mal-mexxejja tal-partiti kollha sabiex tinstab it-triq il-quddiem dwar Brexit.

Brexit: X’ġara u x’se jiġri?

It-Tlieta filgħaxija l-Parlament Ingliż ivvota bil-qawwa kontra l-ftehim maqbul bejn il-Prim Ministru Ingliż Theresa May u l-Unjoni Ewropea dwar Brexit.

B’202 voti favur u 432 vot kontra, kien hemm oppożizzjoni qawwija għall-ftehim ta’ Brexit. L-ewwel reazzjoni għal dan il-vot wasslet mill-Prim Ministru Theresa May li qalet li filwaqt li tirrispetta d-deċiżjoni tal-vot fil-Parlament, il-vot ma jirriflettix x’iridu ż-żewġ naħat mill-ftehim.Aqra aktar

BIL-FILMAT: Se jkun irrinovat il-Mużew Marittimu

Il-Mużew Marittimu fil-Birgu li jilqa’ fih eluf ta’ oġġetti marbuta mal-baħar se jiġi rrinvot u mmodernizzat b’investiment ta’ €2 miljun. Il-proġett minn Heritage Malta se jara l-mużew jikber b’500 metru kwadru l-ispazju għall-pubbliku kif ukoll l-ispazju għall-wiri. Apparti minn hekk il-mużew se jilħaq aktar viżitaturi diġitali permezz ta’ diġitizzazzjoni ta’ 2,600 mitt oġġett mill-kollezzjon tal-mużew.

F’konferenza tal-aħbarijiet li matulha ngħataw id-dettalji tal-proġett, iċ-ċermen ta’ Heritage Malta Anton Refalo qal li l-proġett se jsaħħaħ il-binja b’għadd ta’ interventi stutturali li se joħolqu mill-ġdid l-ambjent li ġie ddisinjart oriġinarjament mill-Arkitett Brittianiku William Scamp f’nofs is-Seklu 19.Aqra aktar

Sant’ Elena ta’ Birkirkara se tingħata lura l-glorja li jixirqilha

Il-pittura titulari fil-Bażilika ta’ Sant’ Elena f’Birkirkara qed tiġi rrestawrata sabiex terġa’ tingħata l-glorja kollha tagħha.  Din il-pittura hija l-ikbar biċċa xogħol fuq it-tila tal-artist Francesco Zahra.  L-artist wara bosta xogħlijiet artistiċi reliġjużi f’pajjiżna.

Il-proġett ta’ restawr jinsab f’idejn Valentina Lupo u Maria Grazia Zenzani mill-Atelier del Restauro.

Lupo saħqet li wara li tniżżlet l-pittura minn postha f’Ottubru u sar ix-xogħol ta’ dokumentazzjoni, instab li l-pittura kellha ħsara estetika minħabba lega ta’ nugrufun mix-xemgħat li jintużaw fil-knisja u l-verniċ fuq il-kulur li sfar maż-żmien.Aqra aktar

Il-maġġoranza tad-deputati tal-PN nieqsa mir-rally ta’ Delia

Il-Kap tal-Partit Nazzjonalista Adrian Delia beda dik li fi kliemu sejjaħ gwerra kontra l-fazzjoni ta’ deputati fil-Partit Nazzjonalista permezz ta’ rally l-Ħamis filgħaxija li fih ipprova juri s-saħħa li għandu mal-attivisti tal-Partit Nazzjonalista.

Madankollu, tul ir-rally spikka n-nuqqas tal-maġġoranza assoluta tad-deputati fil-Grupp Parlamentari tal-Partit Nazzjonalista b’mod partikolari d-deputati mill-fazzjoni ta’ Simon Busuttil.Aqra aktar

Send this to a friend