Colin Deguara | One News - Part 5

Colin Deguara

Notifiki

BIL-FILMAT: Mijiet isellmu għall-aħħar darba lill-maħbub Benny Casha

“Benny kien raġel mimli mħabba”. Hekk iddeskriva lil Benny Casha, l-arċipriet tal-Isla, Fr. Robin Camilleri, quddiem mijiet ta’ persuni li nġabru biex isellmulu għall-aħħar darba fil-kolleġjata bażilika Marija Bambina tal-Isla.

Waqt l-omelija Fr.Charles Cordina nnota li Benny għex ħajja mimlija u kien jagħti l-kontribut tiegħu f’kollox, u li qatt ma ħalla l-ħidma tiegħu tbiegħdu minn familtu.

Iċ-ċelebrant żied li Benny għandu jservi ta’ tagħmila biex inżommu lill-familja fil-qofol ta’ dak kollu li nagħmlu. Aqra aktar

Il-ħaddiema tal-Kitchen Garden b’iktar stabbiltà

 

Ġie iffirmat ftehim kollettiv ġdid għall-ħaddiema tal-Kitchen Garden, li se joffrilhom iżjed serħan il-moħħ.

F’konferenza tal-aħbarijiet li matulha ġie ffirmat il-ftehim kollettiv ġdid, ingħad li l-ħaddiema kollha li kienu fuq kuntratt definit issa se jkollhom il-kuntratt tagħhom indefinit.

Dan il-ġnien jimpjega 15-il ħaddiem fuq fulltime u 9 oħra part time.

Is-Segretarju għat-taqsima tal-ospitalità u l-ikel tal-General Workers Union Kenny Muscat, saħaq li dan il-ftehim huwa bażi tajba li tħejji għal iżjed titjib fil-kundizzjonijiet tal-ħaddiema.

Kenny Muscat is-Segretarju għat-taqsima tal-ospitalità u l-ikel qalet:”“Il-General Workers Union sodisfatta ħafna b’dan il-ftehim kollettiv.  L-ewwel nett se jagħti iżjed serħan tal-moħħ lill-ħaddiema fejn dawn illum il-ġurnata se jkunu qed igawdu minn kuntratt indefinit.  Plus hekk għamilna bażi biex inkunu qed intejbu l-kundizzjonijiet fl-iktar żmien qasir possibli.”

Is-Segretarju Ġenerali tal-GWU Josef Bugeja ddeskriva dan il-ftehim bħala suċċess għax juri li min iħaddem lest jinvesti fil-ħaddiema tiegħu.

Il-President ta’ Malta, Marie Louise Coleiro Preca qal li l-Malta Community Chest Fund se tkompli tinvesti fil-ħaddiema tal-Kitchen b’aktar taħriġ.

 

Kuntistabbli jinqabad fil-pussess tad-droga kokaina

Kuntistabbli tal-Pulizija Għawdxi mistenni jitressaq il-Qorti wara li l-Ħadd li għadda huwa nstab fil-pussess ta’ sitt qratas kokaina. Il-kuntistabbli ta’ 21 sena inqabad fil-pussess tas-sustanza illeċita waqt li kien fost il-partitarji fl-istadium tal-futbol f’Għawdex waqt il-logħba Xewkija Tigers kontra Nadur Youngsters.

Aqra aktar

Send this to a friend