Clinton Buhagiar – Page 9 – One News

Clinton Buhagiar

Notifiki

Jingħata bidu għall-ogħla unur tat-trott lokali

Wieħed mill-aqwa programmi tal-istaġun tat-tiġrijiet kien dak li sar il-Ħadd waranofsinhar hekk kif ingħata bidu għall-ogħla unur li jitqassam fit-trott lokali l-BOV Tazza l-Kbira. Riservat għall-klassi Premier u wħud tal-Klassi Gold saru sitt heats li minnhom 24 għaddew għas-semi finali.Aqra aktar

Valletta maħsuda minn Luxol fl-ewwel Play Off Finali tal-Elite

Valletta bdew fuq sieq ħażina l-ewwel finali minn l-aqwa minn ħamsa tal-Play Offs tal-Elite hekk kif ġew megħluba minn Luxol bl-iskor ta’ 6-1.

It-tim minn St. Andrews mill-ewwel wera biċ-ċar l-intenzjonijiet tiegħu li jirbaħ din il-logħba. Vantaġġ doppju minn doppjetta ta’ Celino Alves u Emil Andrei Raducu minn fuq it-tieni penalty spot għamluhom 3-0 qabel il-mistrieħ.

Fil-bidu tat-tieni taqsima l-Beltin bdew fuq l-offensiva iżda Luxol ma damux ma reġgħu ħadu l-kontroll assolut u skurjaw tlieta oħra minn doppjetta ta’ Maicon Silva u gowl ta’ Mark Zammit.

Minuta mit-tmiem Valletta naqsu d-distakk permezz ta’ Jovica Milijic, wara li aktar qabel Camilo Gomez falla minn fuq it-tieni penalty spot.

Matul din il-ġimgħa kellna wkoll tliet Promotion Play Offs, bit-tim tal-Università ta’ Malta li lagħab darbtejn, fejn fl-ewwel logħba tilef kontra Tarxien Rainbows bl-iskor ta’ 6-4 u għeleb liċ-ċampjins tal-Ewwel Diviżjoni Pietà Hotspurs bl-iskor ta’ 6-5. Min-naħa tagħhom Pietà wkoll kellhom logħba oħra li fiha għelbu lit-tim ta’ taħt il-21 sena ta’ Swieqi United bl-iskor ta’ 5-2.

Riise jirrizenja minn direttur sportiv ta’ Birkirkara FC

Ftit tal-ħin ilu Birkirkara FC ħabbru li John Arne Riise irriżenja mill-kariga li kellu bħal direttur sportiv b’effett immedjat minħabba raġunijiet personali.

Il-Club karkariż irringrazzja lin-Norveġiż għax-xogħol tiegħu mal-Club filwaqt li awguralu għal- futur.

Mark Buttigieg mistenni jkompli jmexxi lit-tim ghal kumplament tal-istagun.

Maltin kontra Brittaniċi f’Boxing Rock Stars nhar il-Ġimgħa li ġej

Avveniment ieħor ta’ Boxing fi tmiem din il-ġimgħa. Attivita’ bl-isem ta’ ‘Boxing Rock Stars’ li ħa tittella’ f’Ħal Farruġ nhar il-Ġimgħa.
Serata li ħa tinkludi sitt ġlidiet bejn boxers mix-xena lokali u selezzjoni ta’ boxers brittanniċi. Il-ġlieda prinċipali se tkun dik li fiha se jikkompeti il-boxer ta’ esperjenza Ludvic Muscat.

Il-boxers l-oħra lokali huma: Roberto Spiteri, Renald Tabone, Dylan Mula u Scott Dixon.

Avveniment li żgur se joffri spettaklu lil kull dilettant tal-boxing.

L-ewwel ġlieda tibda’ fit-8 ta’ filghaxija.

Ta’ Qali mibjugħ kollu! Ma fadalx biljetti għal Malta kontra Spanja

Kif kien mistenni l-stadium nazzjonali għada ser ikun mimli kollu għat-tieni logħba mill-fażi ta’ kwalifikazzjoni tal-Euro 2020 bejn Malta u Spanja.  L-attendenza għada mistennija li tlaħħaq it-tmintax il-elf persuna għal din il-loghba li ħafna Maltin qed jagħtuha importanza kbira. It-tim Malti u dak Spanjol kisbu rebhiet identiċi ta’ 2 – 1 nhar is-Sibt li għadda fl-ewwel logħba tagħhom fi Grupp F.

It-tim nazzjonali Spanjol mistenni li jasal f’pajjizna kmieni llum wara nofsinhar bil-kowċ Spanjol Luis Enrique mistenni li jindirizza l-media fil-18.15.  It-tim nazzjonali Spanjol mistenni li jkollu sessjoni ta’ taħrig għall-ħabta ta’ 19.00 fl-Stadium Nazzjonali f’Ta’ Qali.

Luxol u Valletta jibdew is-serje ta’ konfronti diretti bejniethom

Luxol ingħaqdu ma’ Valletta bħala l-finalisti tan-Knock Out, meta fit-tieni semifinali Luxol faċilment għelbu lil Pietà Hotspurs bl-iskor finali ta’ 9-0.
Wara biss erba’ minuti, twaqqa’ George Frendo fil-kaxxa u l-istess Frendo fetaħ l-iskor minn penalty. Sitt minuti wara Frendo rdoppja l-iskor b’xutt b’saħħtu minn mal-linja. Luxol komplew iżidu l-iskor permezz ta’ Zvezdan Vukovic, Chris Cardona, Aidan Micallef, doppjetta ta’ Maicon Silva Gaiewski u żewġ awtogowls ta’ Christian Wismayer u Paul Scerri.

Aqra aktar

Jingħata bidu għall-Kampjonat Kraft

Hekk kif nhar it-Tlieta li għaddew ingħata bidu għall-Kampjonat Krafft għall-Klassi Silver b’ħames heats fuq distanza ta’ 2140m, il-Ħadd wara nofsinhar saru ħames heats oħra sabiex saru magħrufa l-40 żiemel li kkwalifikaw għall-kwarti tal-finali li ser isiru l-Ħadd 7 t’April. It-tiġrijiet għal darb’oħra kienu kompetittivi ferm u spikkat il-kwalita taż-żwiemel b’medji li s-soltu narawhom jiġu rreġistrati fi klassijiet ogħla. L-għaxar heats tal-kampjonat Krafft intrebħu minn Ami Toon’s, Emotion Boshoeve, Laddy Laday, Vic For Ever, Wellington, Leap Day Credit u Hallas Judex fejn dawn kollha kienu qed jirreġistraw it-tieni rebħa staġonali kif ukoll Neptunus Face u Capac Boko li ħadu l-ewwel rebħa tas-sena u d-debba Violette du Mas li ħarġet rebbieħa għall-ewwel darba f’Malta.Aqra aktar

Bowling – Iċ-champions OkMalta.com fuq quddiem fl-ewwel diviżjoni tal-MAPFRE MSV Life

Żewġ punti biss jisseparaw iċ-champions OKMalta.com mir-rivali FINA, hekk kif għadu kif spiċċa l-ewwel round, fil-kampjonat tal-ewwel diviżjoni tal bowling. Iż-żewġ timijiet kellhom rebħa identika ta 6-2 , kif ukoll bl-aħjar scores tal-ġimgha, bit-tim Fina jibbrillaw b 935 fl-aħħar logħba, b’logħba ta 277 min Sue Abela.

Aqra aktar

Send this to a friend