Clinton Buhagiar – Page 3 – One News

Clinton Buhagiar

Notifiki

‘Elusive 2’ bl-akbar ammont ta’ premijiet fit-tellieqa Messina – Sirakuża – Malta

L-eqdem tellieqa fil-kalendarju tat-tlielaq tar-Royal Malta Yacht Club, it-tellieqa Malta-Sirakuża, iċċelebrat id-59 edizzjoni f’Lulju. It-tellieqa, organizzata mir-Royal Malta Yacht Club u l-Lega Navale Italiana (Sezione di Siracusa) hija popolari ħafna, u ġibdet l-attenzjoni ta’ ħafna ekwipaġġi Taljani, li jibqgħu jirritornaw sena wara sena.Aqra aktar

Il-Coppa Italia mirbuħa minn Lazio f’Malta

Lejn l-aħħar ta’ dan ix-xahar jiġifieri nhar it-Tnejn 29 ta’ Lulju 2019, Lazio Club Malta ser jorganizzaw attivita’ interessanti għal dawk il-partitarji lokali ta’ dan it-tim Taljan. Fil-fatt il-Coppa Italia li rebħu l-Biancocelesti f’Mejju li għadda ser tkun qiegħda għal wiri fir-ristorant Sciantusi li jinsab f’Tas-Sliema.

Aqra aktar

Emily Grech Carr tissiġilla r-rebħa ġenerali fit-tieni tellieqa tal-BSJ Arena Open Water Swimming

It-tieni tellieqa tal-BSJ Arena Open Water Swimming Series, li seħħet ftit tal-jiem ilu, rat lil Emily Grech Carr tirbaħ din it-tellieqa. Din kienet waħda mill-ftit drabi li mara rebħet waħda min dawn it-tlielaq fl-istorja tagħhom.

L-għawwiema ta’ taħt is-17-il sena, Emily Grech Carr, li riċentament irritornat minn wirja tajba fil-Logħob tal-Gżejjer COJI, kienet l-ewwel għawwiema li ħarġet mill-ilma f’Salina. Grech Carr irreġistrat ħin ta’ 27 minuta 51 sekonda. Stefano Debono Grech daħal it-tieni, u kien l-ewwel raġel f’ħin ta’ 28 minuta 04 sekonda. Wara Debono Grech kien Nathan Cachia f’29 minuta 29 sekonda, filwaqt li Luca Vella daħal it-tielet f’ħin ta’ 29 minuta 41 sekonda. Il-podju tal-Irġiel kien magħmul minn grupp żgħir ta’għawwiema – b’wieħed jaqa’ fil-kategorija Under 17 filwaqt li l-oħrajn fil-Kategorija Under 14.

Fil-Kategorija tan-Nisa fit-tieni post kienet Adriana Ferreira Massa, li rreġistrat ħin ta’ 29 minuta 44 sekonda, filwaqt li t-tielet post kienet Anjelika Ruggier li spiċċat it-tellieqa f’31 minuta 21 sekonda.

“Huwa ta’ sodisfazzjon li wieħed jara ġenerazzjoni ġdida ta’ għawwiema f’dawn it-tlielaq. It-taħlita ta’ għawwiema ta’ esperjenza kif ukoll dawk ġodda tagħmel it-tellieqa aktar interessanti waqt li fl-istess ħin tagħti l-opportunità lill-isport biex jiżviluppa u jikber”, qal is-Seġretarju Ġenerali ta’ Birkirkara St. Joseph Sports, Euchar Camilleri.

It-tielet tellieqa tas-Serje se ssir nhar l-Erbgha 3 ta’ Lulju f’Salina. It-tiġrija tibda fis-18:30. L-għawwiema jistgħu jirreġistraw fuq il-post sa’ siegħa qabel it-tellieqa.

Send this to a friend