Clinton Buhagiar | One News - Part 2

Clinton Buhagiar

Notifiki

It-tim tal-U17 jispiċċa fir-raba’ post f’tournament fl-iSlovakkja

It-tim Nazzjonali Malti ta’ taħt is-17-il sena spiċċa fir-raba’ post fin-Novaky International Tournament li sar fl-iSlovakkja matul il-ġimgħa li għaddiet.  It-tim Malti, immexxi minn Karl Izzo, tilef il-play-off għat-tielet post 21 għal 7 kontra l-qawwa tal-Ungerija.  L-aħjar skorer għal Malta kien Jake Muscat bi tliet goals filwaqt li Seb Busuttil skorja żewġ goals, filwaqt li Gabriel Mellilo u Matthew Chircop skurjaw goal kull wieħed.Aqra aktar

F’Ħadd il-Għid isiru s-semi finali tal-Kampjonat Krafft

Ħadd il-Għid sar id-19 il-programm ta’ l-istaġun fejn l-aktar żewġ tiġrijiet mistennija kienu bla dubju s-semi finali tal-Kampjonat Krafft għall-Klassi Silver fuq distanza ta’ 2140m. Bil-wiċċ tal-korsa magħmul ġdid din il-ġimgħa ħadd ma kien qed jistenna ħinijiet veloċi pero’ ir-riħ qawwi li kien qed jonfoħ ukoll affetwa l-veloċita taż-żwiemel. Capac Boko misjuq minn Clint Vassallo ħa t-tielet rebħa konsekuttiva tiegħu fl-ewwel semi finali filwaqt li Hallas Judex irreġistra r-raba’ rebħa konsekuttiva tiegħu misjuq minn Charles Magro fis-semi finali l-oħra.Aqra aktar

Magħrufa t-tnax-il finalista tat-Tazza l-Kbira

Fi tmiem il-ġimgħa saru żewġ programmi oħra ta’ tiġrijiet fejn l-aktar mistennija bla dubju kienu iż-żewġ semi finali tal-BOV Tazza l-Kbira li minnhom saru magħrufa t-tnax il-finalista ta’ dan l-akbar unur għat-tiġrijiet lokali. L-emozzjonijiet ma naqsux fejn kellna wkoll sorpriżi hekk kif żwiemel mill-aktar iffansjati u li kienu mpressjonaw fil-fażi tal-heats ma rnexxielhomx jikkwalifikaw.Aqra aktar

Luxol jirbħu wkoll il-finali tan-Knock Out

Luxol għalqu l-istaġun bl-aħjar mod possibli, hekk kif wara li rebħu l-kampjonat tal-Elite, rebħu wkoll il-Finali tan-Knock Out għal darb’oħra kontra Valletta bl-iskor ta’ 6-2.

Logħba li fil-bidu kienet bilanċjata u li baqgħet eċċitanti u interessanti sal-aħħar. Kienu li l-Beltin li fit-tielet minuta fetħu l-iskor permezz ta’ Dylan Musu u f’inqas minn minuta Andy Mangion għamilhom 1-1. Żewġ minuti mit-tmiem Leanderson Sant’ Anna Coriolano poġġa lil Luxol fil-vantaġġ u hekk intemmet l-ewwel taqsima.

Wara seba’ minuti milgħuba tat-tieni taqsima Luxol għamluhom 3-1 hekk kif il-ballun ġie mxellef ma’ idejn Musu u daħal ħelu ħelu fix-xibka. 40 sekonda biss wara kien imiss lil Nicola Del Re, li lbieraħ kellu l-faxxa ta’ captain li skurja r-raba’ gowl għal Luxol. Meta kien fadal 7 minuti u 52 sekonda Celino Alves għamilhom ħamsa u 36 sekonda wara Leanderson għaqqad doppjetta personali u għamilhom 6-1. Madwar ħames minuti wara Mohamed Abdussalam Elamari skurja t-tieni gowl ta’ Valletta, biex għamel l-iskor finali ta’ 6-2.

Wara tmiem il-logħba il-Viċi President tal-MFA Dr Matthew Paris flimkien ma’ Mireille Vella ippreżentaw il-midalji u t-tazza lil Nicola Del Re u Mark Zammit għollew flimkien fost il-briju ta’ sħabhom.

Matul din il-ġimgħa wkoll fl-aħħar Promotion Play Off Tarxien Rainbows għelbu lil Pietà Hotspurs bl-iskor ta’ 4-0.

B’hekk ġie fi tmiemu staġun ieħor ta’ futsal lokali, bl-impenn li jmiss ikun is-sehem ta’ Luxol fir-rawnd preliminari tal-UEFA Futsal Champions League.

Nhar is-Sibt ser isir it-tieni edizzjoni tat-turnew Valletta Cup

Ilbieraħ saret il-konferenza stampa dwar it-tieni edizjoni tat-turnew Valletta Cup.  Din il-konferenza saret ġewwa l-istabbiliment il-ġdid The Queen Victoria City Pub ġewwa l-Belt Valletta, u ġiet indirizzata mis-Sur Ray Azzopardi, kunsillier tal-Belt Valletta, flimkien ma’ Sur Felix Rizzo, President ta’ Valletta Subbuteo Club u Sinjura Monalita Balzan Segretarja tal-Valletta Cup.

Aqra aktar

“L-atleti jixhdu l-potenzjal tal-bniedem” – Il-Papa Franġisku lid-delegati taċ-ċikliżmu

“Il-potenzjal tal-bniedem huwa maħluq bl-immaġni u x-xebh ta’ Alla”. Dan kien il-qofol tal-messaġġ li għamel Papa Franġisku meta nhar is-Sibt 9 ta’ Marzu 2019 huwa ltaqa’ f’udjenza privata ma’ dawk li pparteċipaw fil-Kungress Annwali tal-Unjoni Ewropea taċ-Ċikliżmu (UEC), li din is-sena kien wieħed storiku għax kien amalgamat ma’ dak tal-Konfederazzjoni Afrikana taċ-Ċikliżmu (CAC).

Għal din l-udjenza li saret fis-Sala Clementina li hija waħda mis-swali tal-Palazz Appostoliku ħdejn il-Bażilika ta’ San Pietru fil-Belt tal-Vatikan, kienu preżenti fost l-oħrajn John Zammit u Joe Bajada, President u Segretarju Ġenerali tal-Federazzjoni Maltija taċ-Ċikliżmu.  Papa Bergolio nnota r-relazzjoni qawwija bejn l-Isport u l-Knisja. Huwa enfasizza wkoll kif l-isport jista’ jrawwem l-eċċellenza minħabba li jgħallem il-perseveranza, is-sagrifiċċju, u ċ-ċaħda personali. Il-Papa kompla billi qal li, “l-isport ta’ spiss isir opportunità biex jesprimi b’entużjażmu.” Fuq l-isport taċ-ċikliżmu u l-virtujiet tiegħu, l-Papa jiddeskrivi kif dan hu wieħed mill-isport li jagħmel enfasi fuq xi virtujiet, bħall-paċenzja, l-integrità, l-altruwiżmu u l-ispirtu tat-tim.Aqra aktar

Luxol jieħdu t-tielet rebħa u jiġu nkurunati bħala Champions

Luxol ġew inkurunati Champions tal-Elite, hekk kif rebħu wkoll it-tielet u l-aktar logħba eċċitanti kontra Valletta bl-iskor ta’ 8-4.

Wara sitt minuti logħob Mark Zammit fetaħ l-iskor u madwar żewġ minuti wara, l-istess Zammit irdoppja l-iskor għal Luxol. Nicola Del Re skurja darbtejn fl-ewwel taqsima, bit-tieni gowl skurjat 47 sekonda mit-tmiem. Bejn iż-żewġ gowls ta’ Del Re, Gia Nikvashvilli skurja għal Valletta minn penalty, biex l-ewwel taqsima intemmet 4-1 għal Luxol.

Fi ftuħ it-tieni taqsima, Leanderson Sant’Anna Coriolano skurja l-ħames gowl għal Luxol, wara li ftit sekondi qabel Celino Alves kien laqat il-lasta l-mimduda.Aqra aktar

Send this to a friend