Clifford Galea | One News - Part 9

Clifford Galea

Notifiki

Helena Dalli f’laqgħat ma’ Ministru Spanjol dwar il-futur tal-Unjoni Ewropea

Il-Ministru għall-Affarijiet Ewropej u l-Ugwaljanza Helena Dalli f’laqgħa mal-Ministru Spanjol għall-Affarijiet Barranin, l-Unjoni Ewropea u l-Kooperazzjoni Josep Borrell

 

Il-Ministru għall-Affarijiet Ewropej u l-Ugwaljanza Helena Dalli ltaqgħet mal-Ministru Spanjol għall-Affarijiet Barranin, l-Unjoni Ewropea u l-Kooperazzjoni Josep Borrell fil-Berġa t’Aragona.

 

Iż-żewġ Ministri tkellmu dwar temi kurrenti fil-kuntest tal-futur tal-Unjoni Ewropea, b’mod partikolari dwar Brexit, il-migrazzjoni u l-qafas finanzjarju pluriennali.

 

Dalli u Borrell qablu li  l-Unjoni għandha tibqa’ magħquda fil-pożizzjoni komuni tas-27 Stat Membru dwar Brexit. Iż-żewġ ministri qalu li rridu naħdmu ħafna biex din l-għaqda narawha wkoll fuq il-kwistjoni tal-migrazzjoni. F’dan ir-rigward, il-Ministri sostnew li s-sitwazzjoni attwali mhijiex tenibbli u qablu li ma jistgħux jibqgħu jittieħdu deċiżjonijiet ad hoc għal kull vapur li jasal.

 

Għal kuntrarju, il-Ministri tennew l-impenn tagħhom favur mekkaniżmu ta’ rilokazzjoni mandatorja maqbul bejn l-iStati Membri. Dan bil-għan li jintbgħat messaġġ ċar liċ-ċittadini li l-Unjoni Ewropea kapaċi tasal għal soluzzjoni ġusta abbażi tal-prinċipju ta’ solidarjetà b’responsabbiltà, biex kulħadd jagħti is-sehem tiegħu.

 

Helena Dalli u Josep Borrell tkellmu wkoll dwar il-ħtieġa ta’ investiment sostenibbli fil-kontinent Afrikan bil-għan li tinbena reżiljenza waqt li r-realtà tal-migrazzjoni rregolari tiġi indirizzata fis-sors tagħha.

 

Fil-laqgħa spikka wkoll il-kunsens li n-negozjati dwar il-qafas finanzjarju pluriennali għandhom jintemmu malajr kemm jista’ jkun.  Fil-laqgħa ssemmiet ukoll il-politika ta’ koeżjoni, bil-Ministru Helena Dalli ttenni l-importanza ta’ din il-politika Ewropea għal pajjiżna.

Analiżi żbaljata, inkonsistenti u negattiva

 

Fir-reazzjoni tiegħu għar-rapport tal-IMF, il-Partit Nazzjonalista qed juri li minkejja s-suppost mod ġdid, l-analiżi ekonomika se tibqa’ l-istess bħalma kienet fis-snin li għaddew: Żbaljata, inkonsistenti u negattiva. Dan qalu l-Partit Laburista fi stqarrija.

Aqra aktar

Erba’ snin ilu Chanelle ta’ 22 sena marret tiltaqa’ mal-Mulej imma t-tbissima tagħha għadha tgħix

Kien propju bħal-lum 4 snin ilu meta saret l-aħħar tislima lil Chanelle Bezzina; tfajla ta’ 22 sena min-Naxxar.

Il-Knisja Arċipretali ta’ Marija Bambina fin-Naxxar ftit jiem wara fit-18 ta’ Jannar kienet ippakkjata b’nies kollha qalbhom sewda, li l-anġlu tat-tbissim ħalliet din id-dinja. Il-Knisja kienet armata bi bżieżaq roża u bosta kantanti li tant kienet tħobb issegwi Chanelle, ġew ituha l-aħħar tislima b’leħinhom.

4 snin wara, ommha Simone kitbet fuq facebook tfakkar il-memorja tagħha kif ukoll turi li l-vojt li ħalliet jibqa’ jinħass għal dejjem.

Iżda Chanelle kellha tbissima speċjali; tbissima li għadha tgħix u li tagħti kuraġġ lil kull min għaddej minn toqol partikolari fil-ħajja speċjalment dawk li jsofru minn mard bħal kanċer; marda li hi rnexxielha tirbħilha.

BIL-FILMAT: Awguri mużikali mill-Forzi Armati ta’ Malta

F’messaġġ ta’ awguri mill-Forzi Armati ta’ Malta, il-Brigadier Jeffrey Curmi jagħti l-Milied u s-sena t-tajba lil kulħadd b’vidjo ħelu li sar bi ħsejjes relatati mal-armata fosthom armi li jintużaw għat-taħriġ f’każ ta’ bżonn għas-sigurtà tal-pajjiż, kif ukoll mużika mill-banda tal-Forzi Armati ta’ Malta.

Send this to a friend