Joseph Brincat – Page 3 – One News

Joseph Brincat

Gradwat tal-Universita` ta’ Malta fil-ligi fl-1970 meta beda jaħdem ta’ avukat. Gradwat ukoll fil-Letteratura Ingliża, Latin u Filosofija mill-Universita` ta’ Londra. Aktar tard gradwat fl-Ekonomija mill-Universita ta’ Londra. Tela’ l-ewwel darba fil-Parlament 1971, u l-aħħar darba fis-sena 2003. Huwa serva ta' Ministru bejn l-1979 u 1981. Okkupa l-kariga ta' Deputy Leader tliet darbiet, meta kien hemm fit-tmexxija Duminu Mintoff, Karmenu Mifsud Bonnici u Alfred Sant. Għamel 17-il sena jattendi l-Kunsill tal-Ewropa, u kiteb rapport magħruf internazzjonalment bħala The Brincat Report, rapport li wassal għall-konvenzjoni internazzjonali fuq id-drittijiet tal-minoranzi. Illum jaħdem ta’ avukat.

Notifiki

Għawdex jaf fejn imidd il-pass

Kelli ftit opportunità li nkun Għawdex fil-weekends li għaddew,  u speċjalment għax ġiet  it-tifla minn barra. Ġabet l-għożża tagħha,  lit-tifla li dalwaqt tagħlaq sninha,  u li għalkemm twieldet u qed titrabba l-Ingilterra,  għandha ċittadinanza qawwija f’Għawdex. Aqra aktar

Ħaqqu l-forka! Mela!

Dan x’ġara fil-Partit Nazzjonalista, kulħadd jgħid li jridu joqtluh? Simon ħareġ inewwaħ għax qabżuhielu meta ġabu li kienu difnuh.  Għall-inqas kien hemm waħda tibkih. Aħjar mix-xejn. Jien qrajt partita kummenti,  u naċċertakom li kienu agħar minn dik il-karikatura.  Inklużi dawk li dehru fuq it-Times of Malta online.  Għaddewh fil-maġġoranza siegħa …U oħroġ il-għaġeb li ħareġ jiftaħar kemm bagħtulu messaġġi ta’ solidarjetà! La kuntent hu, kuntent kulħadd.

Issa ħareġ Casa. Jien ngħid bħal ma jghid il-Malti : “Min imexxi kontra pajjiżu, biex mingħalih ikun minn fuq hu,  ħaqqu l-forka.” U daqstant ieħor ħaqqu l-forka,  min jgħawweġ it-tifsira tal-Malti,  ħalli tiġi ddoqq kif jaħseb li taqbel lilu.Aqra aktar

Ftit ċuċati legali

Jista’ akkużat jgħid li  qed jinkisru l-jeddijiet tiegħu fundamentali għax meta l-ġurati qegħdin jiddiskutu l-każ tiegħu,  ikunu bil-magħluq ?  U allura ma jkunx jista’ jirrispondihom ?   Jista’ jgħid li mhux qed issir ġustizzja miegħu ?

Jekk ġurnalist jgħid li ma jistax jikxef minn qallu,  jien m‘għandix id-dritt għall-informazzjoni ?

Aqra aktar

Abyssus Abyssum Invocat

Min jibda jagħżaq fil-ħama,  aktar jegħreq fil-ħama.  Jien ma ninkwetax ruħi li avukati bħal Karol Aquilina jippruvaw ikomplu jagħżqu fuq il-ħama,  għax ikunu huma li aktar jgħoddsu fiha.

 

Kif tista’ tistenna li nies li waqgħu waħda għaż-żufjett,  quddiem il-poplu kollu,  tant li Dr Adrian Delia stqarr li l-PN tilef kull kredibilità,  ma jippruvawx minn kollox.   Karol Aquilina m’għandux kredibilità aktar minn ħaddieħor.Aqra aktar

Simon tal-frejjeġ

Jekk tistaqsuni minn dak li smajt hemmx każ kriminali kontra Simon Busuttil ngħid le,  għax faċilment kien mazzun ta’ ħaddieħor,  u ma kellux għaqal biżżejjed, u l-għira ghamlet bih.  Jista’ jkun hemm provi,  imma għalissa ma nemminx.  Dan minħabba li ħafna nies joqgħodu jgħidu x’missu jsir lil nies “bħal dawn”.  Dejjem trid tapplika r-rule of law,  anke kontra l-aktar bniedem li jipprova jagħmillek ħsara. Aqra aktar

Te Deum Laudamus

Simon Busuttil ħaġa waħda kien qal sew, u ma kienx qed jigdeb : “Iva Politika onestà tista’ tirbaħ kontra l-gideb għax nemmen li s-sewwa jirbaħ żgur.” Jekk mhux politiku għall-inqas hu profeta, u kif nafu profeta mhux meqjus f’pajjizu stess ! U ma jistax ikun profeta fuq innifsu. Imma fuq Joseph Muscat kien.

Meta kont rajt lil Joseph Muscat jiċħad, u fuq kollox jitlob hu stess li tibda nkjesta, u kif kienet qed tittella’ l-montatura kollha, kont aktar minn persważ li Joseph u martu ma kellhomx faħam miblul. Meta wieħed jesponi ruħu għall-inkjesta, jekk ikollu x’jaħbi, ma jafx fejn se jasal min ikun qed jinvestiga. Normalment, jieħu attitudni ta’ sfida, u jgħid “ġibuli l-provi.” Joseph m’għamilx hekk. Lill-maġistrat inkwirenti (li ma setax jaf min kien se jkun) qallu fittex u qalleb fejn trid u kif trid.

Qatt rajtu fuq it-tv meta jkun hemm xi inkjesta fis-senat amerikan? Mhux wieħed u tnejn jagħżlu li ma jixhdux għaliex jipprevalixxu ruħhom mill-5th Amendment. Dan ifisser li ma jridx jixhed, għax jista’ jinkrimina ruħu. Mhux għax bil-fors għamel il-ħażin, imma jipproteġi lilu nnifsu b’dak il-mod. Maġistrat inkwirenti wkoll għandu obbligu li jwissi bniedem suspettat qabel jagħmillu mistoqsijiet. Joseph u martu marru b’wiċċhom minn quddiem, u ma riedu l-ebda protezzjoni.

Issa ġie Pierre Portelli jgħid li dejjem kellu fiduċja fil-maġistrat. Qisu jrid l-approvazzjoni tiegħu. Hu kien xhud, u mar jixhed kif kien obbligat, u ħareġ ta’ dak li hu. Li hu superfiċjali fix-xogħol tiegħu, għax jekk inti ġurnalist taparsi investigattiv, l-ewwel ma tagħmel teżamina kull biċċa informazzjoni u tittestja hix vera jew le. Tiftakru dawk iż-żewg ġurnalisti Amerikani kemm ħadmu bir-reqqa, u ġabu lill-President Nixon dahru mal-hajt li kellu jirrizenja ?

Imma din ma kenitx ħaġa daqstant fidila li “l-ġurnalisti nvestigattivi” belgħuha. L-istorja ta’ manuvri toħroġ ċar mill-konstatazzjoni li jagħmel il-maġistrat Aaron Bugeja li sab li x-xhieda ewlenin ħawdu bejniethom. Mhux Joseph u martu. Għax min jagħmel il-kawlati, iħalli r-rieħa warajh.

Kienet maħsuba li jkollha effett fuq l-elezzjoni, tant li Simon Busuttil il-profeta rikeb fuqu, u ħlief Egrant ma semmiex, apparti l-€10000 għal min imur joqgħod Għawdex. Li ġara pero’ li l-profezija ta’ Simon “li politika onesta tirbaħ kontra l-gideb” seħħet. L-ewwel seħħet fl-elezzjoni ta’ sena ilu. It-tieni biċċa tal-profezija twettqet bir-riżultat tal-inkjesta. Is-sewwa jirbaħ żgur.

Għalhekk xieraq li nkantaw Te Deum Laudamus….li tfisser infaħħruk Mulej.

Kien ikun għajb kbir għal pajjiżna li kieku kien hemm xi ħaġa bħal dik. Ma kienx hemm u ħammġu isem Malta ma’ kullimkien.

Issa kont se ninsa. Joseph Muscat u martu żgur ma kenux qed jibżgħu minn Daphne Caruana Galizia u kellhom xi interess li jeqirduha, miskina bhala bniedma. Kontrieha u kontra Pierre Portelli kellhom il-profezija ta’ Simon, li s-sewwa jirbaħ żgur. Te Deum Laudamus.

Strabiżmu

Strabiżmu hija dik is-sitwazzjoni tal-għajnejn li flok iħarsu paralleli għal xulxin,  ikunu daru u jħarsu u jiffukaw fuq punt wieħed.  U hekk qed jigri lill-ġurnalisti u taparsi politikanti li għandna mas-saqajn.   Għax sirna qisna team tal-futbol.  Biex nilgħabu l-logħba tal-politika f’Malta,  iridu jġibu dejjem il-players minn barra,  ħalli jilgħabu l-logħba tagħhom.

Aqra aktar

Ma nistax noħroġ tqil…

Meta jibdew il-kruċjati warrab wiċċek.  L-aħħar li smajt kienet kawża kostituzzjonali li l-Avukat Tonio Azzopardi għamel f’ismu.  Jien qrajt ir-rapport tat-Times online, u jingħad li qed jilmenta fuq l-emendi tal-liġi dwar l-IVF u li tmur kontra l-Kostituzzjoni u l-Konvenzjoni Ewropea għad-Drittijiet tal-Bniedem.

 

Jien bl-IVF u mingħajr l-IVF la ħrigt u l-anqas nista’ noħroġ tqil.   Ma nafx jekk l-Avukat Tonio Azzopardi hux qed jitħajjar joħrog tqil, imma ma jridx bl-IVF jekk ma jirnexxilux.

 

L-anqas ma jien embrijun.  U naħseb li l-Avukat Tonio Azzopardi mhux embrijun.

 

Għaliex qed ngħid dawn iċ-ċuċati ?  Għax biex tagħmel kawża fuq drittijiet tal-bniedem kemm taħt il-Kostituzzjoni u kemm taħt il-Konvenzjoni Ewropea għad-drittijiet tal-bniedem,  irid ikollok interess personali,  jiġifieri tintlaqat int personalment.

 

L-artiklu 116 tal-Kostituzzjoni jgħid hekk :  “116. Dritt ta’ azzjoni għal dikjarazzjoni li xi liġi tkun invalida għal xi raġunijiet ħlief inkonsistenza mad-disposizzjonijiet tal-artikoli 33 sa 45 ta’ din il-Kostituzzjoni tkun tappartjeni lill-persuni kollha mingħajr distinzjoni u persuna li ġġib azzjoni bħal dik ma tkunx meħtieġa turi xi interess persunali b’appoġġ għall-azzjoni tagħha.”

 

Dan ifisser li jekk inti ssemmi li l-liġi hija għal xi raġuni invalida,  tista’ tibqa’ miexi u tagħmilha ta’ paladin.  Imma mhux fejn jidhħu kwistjonijiet li jaqgħu taħt l-artikli 33 sa 45,  jiġifieri jekk tkun kwistjoni ta’ ksur tad-drittijiet tal-bniedem !

 

Issa jekk wieħed jara taħt il-Konvenzjoni Ewropea jsib l-istess.  Il-Kapitlu 319 tal-Liġijiet fl-artiklu 4 jgħid : “4. (1) Kull persuna li tallega li xi wieħed mid-Drittijiet tal-Bniedem u Libertajiet Fundamentali jkun ġie, ikun qed jiġi jew ikun x’aktarx ser jiġi miksur dwarha, jew kull persuna oħra li l-Prim’Awla tal-Qorti Ċivili f’Malta tista’ taħtar ad istanza ta’ xi persuna li hekk tallega, tista’, bla ħsara għal kull azzjoni oħra dwar l-istess ħaġa li tkun tista’ ssir legalment, titlob lill-Prim’Awla tal-Qorti Ċivili għal rimedju.”

 

L-enfasi hija fuq il-kelma “dwaru”.   Kieku jkun hemm persuna li sofriet vjolazzjoni tad-drittijiet fundamentali u tmut, allura uliedha jew l-armla jistgħu jmexxu bil-kawża.  Kien hemm kawża kontra Malta hekk. Imma mhux kull min ifettillu jqum u jwaddab kawża tad-drittijiet tal-bniedem.

 

Sentenza tal-Qorti Ewropea ta’ 3 snin ilu qalet:

 

“164. The Court has consistently held in its case-law that the Convention does not provide for the institution of an action popularis and that its task is not normally to review the relevant law and practice in abstracto, but to determine whether the manner in which they were applied to, or affected, the applicant gave rise to a violation of the Convention”   4/12/15 Zakharov v Russia.

 

Dejjem irid ikun hemm prova li jistghu jolqtuh personalment bil-ksur tad-dritt.

 

Għalhekk se nkun attent ħafna ħalli nara l-Avukat Tonio Azzopardi jkunx qed jipprova joħrog tqil.

Anna Gomez messha taqbad broxk f’darha

Se nġib rapport ta’ Transparency International fuq is-sitwazzjoni tal-Portugal,  minn fejn tiġi Ana Gomez, u fuq l-indħil dwar korruzzjoni.  Imma aqraw sal-aħħar ħalli tindunaw li anke fil-Portugal il-Prosekutur Ġenerali (l-ekwivalenti tal-Avukat Ġenerali) japprovah il-Gvern.

Aqra aktar

Nirrumblaw ic-ċuppitatu

Kif smajt l-aħbar li l-Unjoni Ewropea trid tagħmel gwerra fuq il-plastic,  u bdew isemmu l-fliexken tal-ilma u s-soft drinks, ftakart f’Dione Borg jagħmel il-mistoqsija bħala ġurnalista Nazzjonalista,  u jipprova jitmejjel b’dak li kien qed jgħid il-Partit Laburista fuq il-fliexken tal-plastik.Aqra aktar

Send this to a friend