Joseph Brincat – One News

Joseph Brincat

Gradwat tal-Universita` ta’ Malta fil-ligi fl-1970 meta beda jaħdem ta’ avukat. Gradwat ukoll fil-Letteratura Ingliża, Latin u Filosofija mill-Universita` ta’ Londra. Aktar tard gradwat fl-Ekonomija mill-Universita ta’ Londra. Tela’ l-ewwel darba fil-Parlament 1971, u l-aħħar darba fis-sena 2003. Huwa serva ta' Ministru bejn l-1979 u 1981. Okkupa l-kariga ta' Deputy Leader tliet darbiet, meta kien hemm fit-tmexxija Duminu Mintoff, Karmenu Mifsud Bonnici u Alfred Sant. Għamel 17-il sena jattendi l-Kunsill tal-Ewropa, u kiteb rapport magħruf internazzjonalment bħala The Brincat Report, rapport li wassal għall-konvenzjoni internazzjonali fuq id-drittijiet tal-minoranzi. Illum jaħdem ta’ avukat.

Notifiki

L-Isqof Mario Grech se jibqa’…

Kienu bosta n-nies li staqsewni jew qaluli: ”Issa mhux se jibqa’ miegħek siehbek!”  Kienu qed jgħidu għall-Isqof Mario Grech,  li l-Papa għajjatlu ħalli jkun eventwalment is-Segretarju Ġenerali tas-Sinodu tal-isqfijiet mid-dinja kollha.  Is-sinodu,  għal min ma jafx,  huwa ħolqien ta’ Papa Pawlu V1,  li kien ħolqu b’ittra fil-15 ta’ Settembru, 1965,  ħalli x-xogħol li kien sar fil-Konċilju Vatikan it-Tieni jitkompla u mhux kollox imur għall-istorja.

Għas-sinodu jissejħu isqfijiet mid-dinja kollha u l-ħsieb huwa li jagħti pariri lill-Papa fuq it-tmexxija tal-Knisja. Hija sessjoni konsultattiva,  insomma qisha assemblea parlamentari konsultattiva, bħal meta jiltaqgħu fil-Ġnus Magħquda, fil-Kunsill tal-Ewropa u ħafna organizzazzjonijiet oħra. U s-Segretarju Ġenerali jkollu t-tmexxija tagħha f’idejh.Aqra aktar

Mario Demarco x2

Mario Demarco ssemma darbtejn f’dawn il-jiem kwieti politikament tas-sajf. L-ewwel waħda kienet li Dr George Hyzler mhux se jindaħal fuq Dr Mario Demarco bħala Membru tal-Parlament għax jiġi ħatnu. Hekk sewwa u xieraq.  Imma bir-rispett kollu lejn George,  qabel ma jkunu nominati nies f’pożizzjonijiet hekk,  wieħed irid joqgħod attent, għax dan kien fatt magħruf minn qabel. U għalhekk mhix sorpriża. Aqra aktar

Bizzilla Taljana 

Għalkemm mhux pajjiżna, imma s-sitwazzjoni fl-Italja tolqotna mill-qrib. Hawn min jgħid li r-riżultati tal-futbol Taljan l-aktar li jimpurtah. Jien naqa’ u nqum mir-riżultati, għax naħseb li negozju sar il-futbol.   Aqra aktar

Simon Busuttil u qligħ mill-Gvern

Mhux se nintilef fuq Dr George Hyzler, għax twil wisq għal hawn, imma se jkun fl-Orizzont il-Ħamis li ġej.

Hawn jinteressani li nġib partijiet minn sentenza ta’ libell li Simon Busuttil kien għamel għax kien hemm allegazzjonijiet li ħa ħafna direct orders, meta hu fil-programm Xarabank tal-14 ta’ Marzu, 2014 kien saħaq li kollox kien sar mill-kumpanija li fiha kellu sehem wara sejħa għall-offerti.Aqra aktar

Veru, mhux fair!

Wara li ktibt l-aħħar darba, kelli ħafna mistoqsijiet. Kien hemm min xammha mal-ewwel, għax lil min tafu tistaqsix għalih. Mhux kull maġistrat jew maġistrata għandhom l-istess tifsila. Anzi hemm ħafna materjal tajjeb u nies b’sens ta’ ġustizzja. Se nitkellem fuq maġistrati nisa, li llum maġġoranza. Aqra aktar

Ċikku Briku

Fuq fb tiegħi tkellimt fuq il-liġijiet dwar l-abort,  u għedt li huwa l-Parlament Malti biss li jista’ jibdel il-liġijiet bħal dawn. U naturalment li l-elezzjoni tal-Membri tal-Parlament Ewropew ma għandha x’taqsam xejn ma’ tibdil bħal dan.

Weġibni wieħed Joseph Ghigo u għamel paragrafu sħiħ li jekk ikun hemm aktar siġġijiet għas-soċjalisti,  jitla’  Frans Timmermans li jrid jagħmel l-abort bħala dritt tal-mara.  Dan kien qed jidwi dak li qal Adrian Delia,  u jitqanżħu ħalli jġibu lil min jemmnu.  Storja antika din!  Meta l-Partit Nazzjonalista jkun qed jegħreq ifittex il-salvawomo tal-biża’ msejsa fuq ir-reliġjon.

Jaf illi f’pajjiżna ma hawnx maġġoranza li trid tibdil fil-liġi tal-abort,  u allura jipprova jkanta fuq il-valuri.Aqra aktar

Min għamlek Imħallef fuqi ?

Din l-espressjoni meħuda mill-Kotba Mqaddsa.  U verament tixraq f’dawn il-ġranet li nħatru sitt ġudikanti ġodda. Mhux se noqgħod nitkellem fuq il-kwalitajiet tagħhom,  għax dawk jissarrfu meta jkunu qed jaħdmu.  Ukoll kaxxa magħluqa.  Kull wieħed u waħda minnhom jieħu l-ġurament,  u fuq kollox għandu d-dinjità tiegħu. Jaf li għajnejn in- nies se jkunu fuqu.  Fl-imgħoddi kien ikun hemm attenzjoni fuq l-anqas tentufa ta’ ħajjithom, u tal-familja tagħhom,  u anke tat-tendenzi sesswali tagħhom. Imma ħafna ħwejjeġ inbidlu.

Mhux qed niċċajta.  Kont smajt li darba kien hemm Maġistrat li kien tajjeb ħafna, u bieżel u għaqli, imma kien omosesswali. Malli ħarġet il-kelma kellu jirriżenja!Aqra aktar

Vaffa… lil ta’ Venezja

Tiftakru meta ġew tal-Kummissjoni ta’ Venezja?  U għedtilkom li aħjar inkantawlhom il-kanzunetta ta’ Marco Masini?  Liema waħda?  Naturalment dik Vaffan….

Jekk kien hemm prova kemm kelli raġun biżżejjed li wieħed jara x’ġara f’dawn il-jiem.  Ġejna biex nagħżlu President tar-Repubblika. Il-Partit Laburista għażel sewwa li Dr George Vella.  Wara ftit il-Partit Nazzjonalista,  u dan ngħidu b’ġieh għalihom, iddikjaraw li lesti li jagħtu l-appoġġ tagħhom lin-nomina ta’ Dr George Vella.Aqra aktar

Hekk sewwa u xieraq

Dr George Vella huwa bniedem li ma jinbidel qatt.  Dawk li huma prinċipji tas-sewwa għalih ma humiex taċ-chewing gum, jiġġebdu ‘l hawn u ‘l hemm.  Jien nafu kemm professjonalment bħala tabib u aktar u aktar bħala bniedem fil-politika, mingħajr ma kien politikant. Id-differenza hija li meta tkun politiku tiswa għal dak li tgħid u tagħmel, il-ħsibijiet tiegħek u tara kif jistgħu jitwettqu,  u fuq kollox tagħti l-eżempju. Il-politikant ikun fil-politika, imma għall-vot ma hemmx kelma oħra aħjar milli tgħid “jitqaħħab”.

Aqra aktar

Send this to a friend