Abraham Abela | One News - Part 5

Abraham Abela

Notifiki

Probabbiltà ikbar ta’ Brexit mingħajr ftehim

In-negozjatur ewlieni tal-Unjoni Ewropea Michel Barnier qal li Brexit bla ftehim jidher iktar possibbli, iżda xorta jista jkun evitat.

Qal li jara tliet alternattivi ‘l quddiem wara li l-membri parlamentari Ingliżi fallew milli jaqblu fuq proposti ta’ Brexit: bla ftehim, estensjoni itwal jew il-ftehim tal-Prim Ministru.

Barnier sostna li qatt ma kienet ix-xewqa jew l-intenzjoni li ma jkunx hemm ftehim, iżda issa l-Unjoni Ewropea tinsab preparata, hekk kif jum wara jum, it-tluq bla ftehim jidher iktar probabli.

Il-Prim Ministru Theresa May qed tħejji ruħha għal ħames sigħat tal-laqgħat mal-kabinett fil-jum tat-Tlieta.

Il-membri parlamentari Ingliżi vvutaw fuq erba alternattivi għal ftehim ta’ May, iżda l-ebda wieħed minnhom ma kiseb maġġoranza.

Unjoni tad-dwana mal-Unjoni Ewropea ġiet miċħuda bi tliet voti filwaqt li mozzjoni għal referendum kiseb l-iktar voti favur, iżda xorta tilfet.

Ir-Renju Unit se jitlaq mill-Unjoni Ewropea fit-12 t’ April, iżda jaf jitlob għal estensjoni.

Għat-tielet darba, id-deputati Ingliżi jirrifjutaw il-ftehim ta’ May għal Brexit

Fuq tlieta toqgħod il-borma.

L-istess jista’ jingħad għan-numru ta’ drabi li l-ftehim tal-Prim Ministru Ingliż Theresa May b’rabta ma’ Brexit ġie rrifjutat mill-Parlament Ingliż.

Dan hekk kif il-Ġimgħa wara nofsinhar, 344 Membru Parlamentari vvota kontra l-ftehim, b’286 oħra jivvutaw favur.

Il-Prim Ministru May qalet li dan ir-riżultat se jkollu konsegwenzi gravi, u issa r-Renju Unit se jkollu jitlaq fit-tnax t’ April.

Dan ifisser li mhux se jkun hemm biżżejjed żmien biex tgħaddi l-leġiżlazzjoni sabiex ikun evitat Brexit mingħajr ftehim.

Ironikament, il-vot tal-Ġimgħa ttieħed fl-istess jum li oriġinarjament ir-Renju Unit kellu joħroġ mill-Unjoni Ewropea.

Min-naħa tiegħu, il-mexxej tal-Partit Laburista Ingliż Jeremy Corbyn appella biex May tirriżenja ssejjaħ elezzjoni ġenerali.

B’reazzjoni għall-vot, il-President tal-Kunsill Ewropew Donald Tusk ħabbar fuq Twitter li fid-dawl tal-aħħar żviluppi, sejjaħ Kunsill Ewropew Straordinarju l-Erbgħa għaxra t’ April.

Summit li se jkun qed isir jumejn biss ‘il bogħod minn meta issa r-Renju Unit se jiltaq mill-Unjoni Ewropea.

Ir-riżultat tal-votazzjoni jfisser li r-Renju Unit tilef l-opportunita biex jassigura estensjoni għall-proċess ta’ Brexit u jitlaq mill-Unjoni Ewropea bi ftehim fit-tnejn u għoxrin ta’ Mejju.

May issa għandha sat-tnax t’April biex tipprova tassigura estensjoni itwal għal proċess ta’ negozjati biex ikun evitat Brexit bla ftehim.

B’maġġoranza ċara fil-House of Commons kontra Brexit bla ftehim, u bil-membri parlamentari se jivvutaw fuq iktar pjani alternattivi fil-jum tat-Tnejn, il-Prim Ministru Ingliż qalet li r-Renju Unit se jkollu jsib triq alternattiva ‘il quddiem.

Qalet li kważi hemm ċertezza li din tinvolvi li jsiru l-elezzjonijiet tal-Parlament Ewropew f’Mejju bħas-27 stat membru l-ieħor.

34 ribelli Konservattivi vvutaw kontra l-Gvern, flimkien mad-Democratic Unionist Party u l-Partit Laburista. Dan filwaqt li ħames membri parlamentari Laburisti vvutaw favur il-ftehim.

Bla Uffiċju Pubbliku għal 15 -il sena

Il-mexxej tal-Oppożizzjoni fil-Veneżwela Juan Guaido se jkun imwaqqaf milli jkollu kariga pubblika għal ħmistax-il sena, il-massimu pemessibbli bil-liġi.

Il-kontrollatur tal-finanzi tal-pajjiż Elvis Amoroso qal li l-sitqarrijiet finanzjarji personali ta’ Guaido kellhom numru ta’ inkonsistenzi.

Guaido, il-kap tal-Assemblea Nazzjonali mmexxija mill-Oppożizzjoni, kien iddikjara lilu nnifsu president temporanju f’Jannar.

Huwa għandu l-appoġġ ta’ iktar minn ħamsin pajjiż, fosthom l-Istati Uniti.

Servizz li fakkar il-memorja tal-50 vittma

Servizz ta’ tifkira sar f’Christchurch fi New Zealand u ntwera madwar il-pajjiż kollu, sabiex ikun onorati l-ħamsin vittma tal-isparaturi li seħħew fil-ħmistax ta’ Marzu.

Il-Prim Ministru Jacinda Ardern tkellmet waqt l-attivita, flimkien ma’ mexxejja Musulmana u persuna li salvat mill-attakk.

Iktar minn għoxrin elf persuna attendew f’Hagley Park, qalb ħafna sigurta.

Ardern qalet li New Zealand kellu r-responsabilta li jkun il-pajjiż li huma jixtiequ li jkun. Saħqet li l-pajjiż mhux reżistenti għal mibgħeda u biża, iżda jista jkun il-pajjiż li jsib il-kura.

Vot ieħor fuq Brexit fil-jum tal-Ġimgħa

Il-Prim Ministru Ingliż Theresa May se tipprova ġġib l-appoġġ tal-membri parlamentari fuq parti mill-ftehim tagħha ta’ Brexit, fil-jum li r-Renju Unit suppost kellu joħroġ mill-Unjoni Ewropea.

Il-Membri Parlamentari se jivvutaw fuq il-ftehim, li jindirizza l-kundizzjonijiet tat-tluq tar-Renju Unit mill-Unjoni Ewropea.

Il-Ministri qalu li l-appoġġ tagħhom huwa kruċjali biex ir-Renju Unit jevita ħruġ diżorganizzat.

Il-Partit Laburista Ingliż se jivvota kontra, hekk kif qed jgħid li l-fatt li ċċaħħad lill-membri parlamentari minn opinjoni fuq parti mid-dikjrazzajoni politika tal-ftehim, isarraf f’Brexit b’għajnejn mgħottija.

Jekk il-vot tal-Ġimgħa jgħaddi, dan jassigura li brexit ikun pospost sat-tnejn u għoxrin ta’ Mejju.

Iżda mhux se jippermetti lill-Parlament Ingliż biex jirratifika l-pakkett kollu tat-tluq, hekk kif il-liġi tippermetti dan wara li jkun hekk votazzjoni li tagħmel sens fuq iż-żewġ sezzjonijiet tal-ftehim.

Theresa May lesta li tirriżenja

il-Prim Ministru Ingliż Theresa May qalet lill-membri parlametari li se tirriżenja mill-kariga tagħha qabel tibda l-fażi li jmiss dwar in-negozjati ta’ Brexit. Dan dejjem jekk il-ftehim tagħha jkun appoġġjat.

S’issa għad ma hemm l-ebda data stabbilieta għat-tluq tagħha, iżda jista jkun li ssir elezzjoni għat-tmexxija viċin Mejju.

May sostniet li lesta titlaq mill-kariga tagħha iktar kmieni minn kemm ippjanat hi bil-għan li jkun hemm Brexit b’mod ordnat.

Liberat minn self bl-użura

Il-Qorti lliberat lil Anthony Galea ta’ sitta u ħamsin sena, li allegatament sellef sebat elef u tmien mitt ewro b’użura u talab il-ħlas ta’ mija u ħamsin elf ewro.

Dan hekk kif l-evidenza ma kinitx biżżejjed biex tkun ikkunsidrata bħala prova skont il-liġi.

Aqra aktar

Send this to a friend