Abraham Abela | One News

Abraham Abela

Notifiki

Salvat grupp ta’ 97 immigrant

97 immigrant iddaħlu Malta mill-Forzi Armati wara li kienu salvati hekk kif kellhom bżonn l-assistenza waqt li kienu fiż-żona ta’ tiftix u salvataġġ Maltija. Huma ddaħħlu fis-06:40 tat-Tlieta filgħodu f’Xatt it-Tiben abbord id-dgħajsa tal-istess Forzi Armati ta’ Malta l-P61.

Intqal li fil-grupp hemm mara u żewġt itfal. L-immigranti għaddew għand il-Pulizija u ttieħdu fiċ-Ċentru Miftuħ tal-Marsa permezz ta’ diversi xarabanks. Hemmhekk saret tfittxija fuq kull persuma u ttieħdu ritratti u l-marki tas-swaba ta’ kull immigrant, filwaqt li l-pulizija ġabret it-tagħrif dwarhom permezz ta’ intervisti.

Imħabbra l-għaxar kandidati għat-tmexxija tar-Renju Unit

Ġew ikkonfermati l-għaxar kandidati finali għat-tmexxija tal-Partit Konservattiv Ingliż, b’wieħed minnhom mistenni jkun il-Prim Ministru l-ġdid. Jeremy Hunt, Domnic Raab, Matt Hancock u Michael Gove, li niedew il-kampanij tagħhom qabel l-iskadenza tan-nominazzjonijiet, jinsabu kollha fuq il-lista.

Il-Membri Parlamentari Konservattivi issa se jieħdu sehem f’sensiela ta’ votazzjonijiet sabiex il-kandidati jitnaqqsu għal tnejn. Dawn imbagħad se jaffaċċjaw lill-membri kollha tal-Partit, sabiex ikun deċiż il-mexxej il-ġdid tal-partit u tal-pajjiż.

Il-lista, li tħabbret mill-Viċi Chairman tal-Kumitat 1922 tal-Partit Konservattiv Dame Cherly Gillan, tinkludi wkoll lil Boris Johnson, Mark harper, Sajid David, Andrea Leadsom, Esther McVey u Rory Stewart. Sabiex il-kandidati setgħu jikkontestaw, ried ikollhom l-appoġġ ta’ sitt Membri Parlamentari oħra.

Akkużi ġodda kontra Julian Assange

Id-Dipartiment tal-Ġustizzja tal-Istati Uniti fetaħ sbatax-il akkuża ġdida kontra l-ko-fundatur ta’ Wikileaks Julian Assange, li qed jaffaċċja l-estradizzjoni mir-Renju Unit.

L-akkużi riċenti jakkużawh li rċieva u ppublika illegalment l-ismijiet ta’ sorsi kklassifikati.

Ix-xahar li għadda kien akkużat li kkomplotta mal-eks analista tal-intelliġenza Chelsea Manning sabiex jikseb aċċess għan-netwerk tal-Pentagon.

Assange qed jiskonta sentenza ta’ ħabs fir-Renju Unit wara li qabeż il-bail.

AĠĠORNAT: Il-qtil tal-immigrant mhux marbut max-xogħol tal-imputati fl-AFM – l-Ispettur Arnaud

Il-qtil tal-immigrant ma kienx marbut max-xogħol tal-akkuzati fil-Forzi Armati ta’ Malta.

Xehed dan fil-qorti l-ispettur Keith Arnaud meta bdiet il-kumpilazzjoni taz-zewġ suldati –  Francesco Fenech ta’ 21 sena u Lorin Scicluna ta’ 22 sena, akkużati bil-qtil ta’ Lassane Cisse ta’ 42 sena mill-Kosta tal-Avorju u b’attentat ta’ qtil ta-zewġ persuni oħra.

Il-ġimgħa huma arrestaw lil Scicluna u waqt l-interogazzjoni kien hemm miegħu l-avukat u d-deputat nazzjonalista Jason Azzopardi.

L-ewwel ta stqarrija, imbad meta ppresat mill-pulizija qal li kienet gidba. Scicluna ammetta li ma kellux grazzja man-nies suwed u li ġieli jkun aggressiv magħhom.

Fit-tieni stqarrija tiegħu qal li kien hu l-persuna li saq il-karozza f’Ħal Far u miegħu kien hemm Francesco Fenech. Qal li lil Francesco sar jafu mill-armata meta għamlu r-reklutaġġ flimkien.

Dak inhar, fis-sitta ta’ April, Francesco kien qal lil Lorin  sabiex imorru joqtlu qattus.

X’ħin Scicluna saq lejn it-Triq tal-Ġebel f’Ħal Far, Francesco kellu l-arma ikkargata f’idejh u x’ħin għaddew minn quddiem Cisse, li kien miexi, spara żewġ tiri.

Scicluna irrabja ma’ Francesco għax ma emminx li kien se jispara fuq bniedem u Francesco qallu biex jaqtagħha għax anki lilu jispara. Qal li ftit wara kien hemm żewġ immigranti oħra u Francesco spara fuqhom ukoll. Minn hemm huwa saq dritt lejn id-dar.

Scicluna qal li sa dak il-ħin ma kinx jaf li qatlu persuna u sar jaf l-Ħadd filgħodu mill-aħbarijiet. Huwa iġġieled ma’ Francesco għax daħlu f’waħda u meta semgħu li l-pulizija qed tfittex Toyota Starlet , ftehemu li jwaħħlu l-mera u jagħmlu l-faxx bit-tape tad-dawl.

Lorin semma l-inċident tal-hit and run fil-bidu ta’ Frar meta miegħu wkoll kien hemm Francesco u semma wkoll inċident ieħor meta qabdu ma’ immigrant li kien qed isuq ir-rota u kisruhielu.

Qal li fi Frar kienu raw immigrant nieżel lejn Birżebbuga, dawn pruvaw iħarsu lejh u dan ma tax kashom. Qal li dawwar il-karozza u f’ħin minnhom waqt li Lorin kien qed jinnavigaw fir-radju u talab lil Francesco jżomm l-istering, Francesco kiser l-istering u tajjar lill-immigrant u hemm inkiser il-windscreen u l-mera.

Qabel arrestaw lil Lorin, il-pulizija kellmu lit-tfajla tiegħu u qalet li kemm Lorin kif ukoll Francesco ma kellhomx grazzja mal-immigranti.

Qalet li dakinhar tal-inċident  ma kinetx ma’ Lorin għax kienet ma’ oħta ċ-ċinema u huwa kien nieżel għandha aktar tard wara l-ħdax ta’ billejl.

Il-pulizija sabet li Scicluna kellu erba’ armi tan-nar reġistrati f’ismu fosthom waħda tad-disa millimetri. Qabel ħadu lil Lorin id-Depot, il-Pulizija marret id-dar tiegħu u minn taħt is-sodda ġew elevati l-armi reġistrati f’ismu inkluż dak ta’ 9 millimetri. Izda l-munizzjon li ntuzat fl-inċident remiha l-baħar.

L-Ispettur Arnaud xehed ukoll li dak inhar tad-delitt innotaw li bejnil-ħdas neqsien għoxrin u l-ħdax u kwart ta’ filgħaxija, iż-żewġ mobiles tal-akkużati kienet wieqfa – jew mitfijin jew ma kellhomx reception.

Arnaud qal li Lorin urihom l-istess rotta li l-karozza deheret li ħadet fuq il-filmati tas-CCTV, li għadda minnha għad-dar. Meta mar id-dar huwa tella’ l-arma u mar ħdejn it-tfajla tiegħu.

Fl-awla quddiem il-Maġistrat Ian Farrugia, Francesco Fenech kien emozzjonat.

Is-seduta ġiet sospiza għat-tmienja u għoxrin ta’ Mejju.

 

 

 

 

 

May mistennija tħabbar meta se titlaq mill-kariga

Il-Prim Ministru Ingliż Theresa May mistennija tħabbar id-data tat-tluq tagħha minn Downing Street fil-jum tal-Ġimgħa. Dan intqal minn ministri tal-kabinett lil BBC.

Is-sorsi tal-kamra Ingliża tal-aħbarijiet qalu li qed jistennew li l-Prim Ministru tagħti skeda sabiex is-suċċessur tagħha jintgħażel, bl-għaxra ta’ Ġunju mistennija tkun id-data li fiha tibda t-tellieqa uffiċjali.

Fil-jum tal-Ġimgħa, May mistennija tiltaqa maċ-chairman tal-backbenchers tat-Tory. Hija ilha taħt pressjoni biex tirreżenja, wara li qalgħet ħafna kritika mill-membri parlamentari tagħha stess kontra il-pjan ta’ Brexit.

Minn Jannar li għadda s’ issa, il-Parlament Ingliż irrifjuta tliet darbiet il-ftehim tat-tluq li nnegozjat May mal-Unjoni Ewropea, filwaqt li attentati sabiex jintlaħaq qbil mal-Partit Laburista Ingliż fallew.

Il-PL biss jieħu lil Għawdex bis-serjetà

Huwa biss il-Partit Laburista li qed jieħu lil Għawdex bis-serjetà, wara li l-Kap tal-Oppożizzjoni Adrian Delia reġa darlu dwar il-proġett tal-mina bejn Malta u Għawdex.

Dan intqal waqt konferenza tal-aħbarijiet tal-Partit Laburista, li kienet indirizzata mill-Ministri Justyne Caruana u Ian Borg, u l-kandidat għall-Parlament Ewropew Felix Galea Busuttil.

Il-Ministru Caruana saqħet li l-Għawdxin jafu x’inhuma l-konsegwenzi pożittivi li se jġib fuq il-kwalita ta’ ħajjithom. Qalet li dan huwa Gvern li l-ħtiġijiet tal-Għawdxin dejjem kienu fil-qalb tal-politika tiegħu.

Aqra aktar

Send this to a friend