71% tan-nies jippreferu jużaw it-telefon biex jinqdew – One News

Notifiki

71% tan-nies jippreferu jużaw it-telefon biex jinqdew


Jekk il-muntanja ma tmurx lejn Mawmettu, Mawmettu jmur għand il-muntanja.

Iżda ħafna drabi dan mhux qed ikun il-każ hekk kif kważi tliet kwarti tan-nies jippreferu jċemplu biex jinqdew flok imorru fuq il-post.

Dan ħareġ minn stħarriġ tal-MISCO dwar is-servizz li jingħata lill-konsumatur.

L-istudju sar għall-Awtorità Maltija għall-komunikazzjoni.

Il-biċċa ‘l kbira tal-persuni li jippreferu jinqdew bit-telefon għandhom aktar minn erbgħa u tletin sena, filwaqt li dawk li biex jieħdu sodisfazzjon bħala konsumaturi jaqbdu jibgħatu email, fil-maġġoranza tagħhom kienu jgħoddu taħt il-35 sena.

Dwar dan ukoll ħareġ ukoll li 83% tan-nies huma sodisfatti bis-servizzi li jiġu offruti mill-kumpaniji tat-telekomunikazzjoni.

Fl-istħarriġ ħareġ ukoll li s-servizz offrut mill-kumpaniji kbar tat-telekomunikazzjoni huwa effiċjenti.

Bugeja sostna: “Wera ukoll li l-pubbliku huwa sodisfatt bis-servizzi offruti mill-GO, MELITA U VODAFONE.”

Il-Kap Eżekuttiv tal-Awtorità Maltija għall-komunikazzjoni Jesmond Bugeja tenna l-impenn tal-Awtorità sabiex jara li l-pubbliku ikompli jingħata servizz ta’ eċċellenza mill-operaturi.

Huwa sostna: “U dejjem naċċertaw ruħna lis-servizz dovut lil pubbliku jieħdu kollu.”

Intant fis-seminar fejn ġie preżentat dan l-istudju tkellem ukoll is-Segretarju Parlamentari Silvio Schembri.

Huwa saħaq fuq il-ħarsien tal-interessi tal-konsumaturi għall-ġid mhux tagħhom biss iżda anki tan-negozji.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend