Skema biex jonqos il-prezz tal-insulina – One News

Notifiki

Skema biex jonqos il-prezz tal-insulina

L-Għaqda Dinjija tas-Saħħa il-WHO ħabbret skema biex tnaqqas il-prezz għoli tal-insulina. Din l-inizjattiva tħabbret waqt konferenza f’Ġinevra.

L-aġenzija tan-Nazzjonijiet Magħquda trid li kumpaniji oħra tal-mediċini jipproduċu verżjonijiet ġeneriċi tal-insulina, li mgħad tgħaddi għal fażi ta’ testijiet. Ladarba l-verżjoni ġenerika tgħaddi mit-testijiet ta’ sigurtà, din tidaħħal fis-suq globali b’rata orħos.

Minn meta ġiet skoperta l-insulina sal-lum, il-prezz fl-Amerka għal kull flixkun li jkun fih l-insulina, minn dollaru fl-1923 tela’ għal 300 dollaru fl-2019.

Skont il-WHO, madwar 20 miljun persuna għandhom id-dijabete tat-tip wieħed u li għandhom bżonn injezzjoni ta’ insulina b’mod regolari biex jgħixu, filwaqt li l-54 miljun persuna madwar id-dinja li għandhom dijabete tat-tieni tiġ jużaw l-insulina f’każijiet severi.

Il-WHO kienet diġà mexxiet b’suċċess skemi simili fil-passat, l-aktar waħda notevoli tkun dwar il-mediċini tal-HIV fl-2001.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend