Qrib id-9,000 proprjetà għall-kiri fuq l-Airbnb – One News

Qrib id-9,000 proprjetà għall-kiri fuq l-Airbnb

Studju li sar mill-Bank Ċentrali ta’ Malta f’Mejju li għadda wera li kien hawn qrib id-disat elef proprjetà għal kiri mniżżlin mas-sit Airbnb.

Dawn il-proprjetajiet hu stmat li kapaċi jiġġeneraw medja ta’ €2,400 fix-xahar għal 4,000 ospitant.

Il-proprjetajiet offruti f’Malta permezz tal-pjattaforma tal-airbnb potenzjalment jistgħu joffru mat-8 miljun lejl u jistgħu jiġġeneraw dħul ta’ aktar minn €100 miljun.

Il-prezz medju għal kull lejl kien ta’ €80.

L-istudju li sar b’informazzjoni misjuba online għaliex is-sit airbnb, li joffri kiri mhux fit-tul ma tantx jagħti informazzjoni, juri li tnejn minn kull tliet proprjetajiet huma appartamenti, segwiti minn djar u vilel.

L-istudju dwar il-proprjetajiet offruti għall-kiri f’Malta fuq is-sit airbnb juri li l-aqwa lokalitajiet li joffru proprjetà kienu tas-Sliema, San Pawl il-Baħar u San Ġiljan.

Bir-raħal kwiet taż-Żebbuġ, Għawdex ukoll jinsab fost l-aqwa 10.

Il-biċċa l-kbira tal-proprjetajiet għal kiri huma residenzi sħaħ, segwiti minn kmamar privati.

Il-Bank Ċentrali qal li proprjetà b’pixxina kapaċi tgħolli l-prezz tal-kirja b’wieħed u għoxrin fil-mija filwaqt li għal veduta tal-baħar tista’ tħallas 14% aktar.

Il-Bank Ċentrali qal ukoll li minħabba li numru ta’ proprjetajiet mhumiex fis-suq tad-djar fit-tul dan jista’ jwassal għal żieda fil-prezzijiet tad-djar bi 2.8%.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend