800 student jattendu l-Università tat-tielet età – One News

Notifiki

800 student jattendu l-Università tat-tielet età

John Mizzi għandu 72 sena u huwa fost 800 anzjan li jattendu l-Università tat-tielet età.

Lil John ħadnielu ftit minuti waqt waħda mil-lezzjonijiet offruti dwar stima tiegħu infusu fiċ-ċentru tal-anzjani ta’ Birżebbuġa.

Ċentru li ngħaqad mas-seba’ ċentri oħra li fihom jiġu offruti korsijiet marbuta mal-Università tat-tielet età.

John ilu 12-il sena, ta’ kull ġimgħa tiegħu jitħarreġ f’din l-Università.

Fil-karriera tiegħu John kien jaħdem bħala accountant. Karriera mpenjattiva, iżda wara snin twal jara ħafna numri quddiemu, malli ħareġ bil-pensjoni ried jara kif se jqatta’ l-ħin tiegħu.

Hu stqarr ma’ crew ta’ ONE News: “Mort l-ewwel darba u komplejt imur nagħżel is-suġġetti li jinteressawni. Melitensia l-iktar li jogħġobni u nattendi għas-suġġetti li jogħġbuni.”

Il-Kap tad-Dipartiment tal-Ġerontoloġija Marvin Formosa, li jmexxi l-Università tat-tielet età, spjega kif matul is-snin żdiedet l-attendanza tal-anzjani.

“Jagħtu iktar opportunitajiet, l-anzjani jistgħu jmorru u jkollhom tgħallim organizzat u kull xaharejn ikun hemm lettur differenti b’suġġetti differenti”, spjega Formosa.

Is-Segretarju Parlamentari għall-Anzjanità Attiva Anthony Agius Decelis inkoraġixxa sabiex aktar anzjani ikomplu jitgħallmu u jibqgħu attivi.

“Iriduwhom jgħixu l-ħolma ta’ ħajithom. Jitgħallmu affarijiet u jippratikaw affarijiet ġodda. Niftħu ċentri fil-komunità u l-anzjani jibqgħu jipprattikaw”, sostna s-Segretarju Parlamentari Agius Decelis.

Ta’ QabelLi Jmiss

Send this to a friend