Ikompli l-attakk fuq il-Kurdi – One News

Notifiki

Ikompli l-attakk fuq il-Kurdi

It-Turkija qalet li qatlet għexieren ta’ militanti Kurdi Sirjani hekk kif Ilbieraħ truppi Torok u ribelli Sirjani nvadew iż-żona.

Dan l-attakk ġie wara li lbieraħ l-armata Torka attakkat din iż-żona mill-ajru.

Fi stqarrija l-Ministeru għad-Difiża Torka qal li l-armati ta’ Turkija u Sirjani bdew ħidma bħala parti mill-Operazzjoni Rebbiegħa ta’ Paċi.

Fi ittra li bagħat lill-Kunsill tas-Sigurtà tal-Ġnus Magħquda, il-Gvern Tork assigura li l-azzjonijiet militari li se jieħu se jkunu meqjusa, proporzjonati u responsabbli.

Intant il-President Tork Erdogan qed jhedded lill-Ewropa li ser jiftah il-fruntieri għal 3,600,00 refuġjat Sirjan.

Din id-dikjarazzjoni mill-President Tork waslet wara li l-kritiċi tiegħu ma approvawx l-attakki militari li qed iwettaq fuq is-Sirja sabiex jelimina dak li qed isejjaħ il-kuritur tat-terrur fil-fruntiera tan-nofsinhar tat-Turkija.

Ritratt: Getty Images

Ta’ QabelLi Jmiss

Send this to a friend