Illejla jerġa’ jiftaħ il-Parlament – One News

Notifiki

Illejla jerġa’ jiftaħ il-Parlament

Illejla jerġa’ jiftaħ il-Parlament wara li waqaf għall-btajjel tas-sajf. 

Fl-ewwel seduti t-tema tal-edukazzjoni se tkun l-aktar waħda diskussa hekk kif il-Ministru għall-Edukazzjoni Evarist Bartolo se jressaq tliet abbozzi.

Bla dubju bħal-lum ġimgħa jiġi preżentat il-Budget għall-2020 mill-Gvern.

Dan ifisser li fil-ġimgħat li ġejjin il-Parlament se jkun qed jiddiskuti l-Budget li wara kollox huwa l-programm ta’ ħidma tal-Gvern għas-sena d-dieħla.

Fil-fatt wara li jinqara l-Budget, ikun hemm ir-risposta tal-Kap tal-Oppożizzjoni ġimgħa wara u r-replika tal-Prim Ministru jum biss wara, il-Parlament jitlaq b’seduti twal fejn jiġu diskussi l-estimi finanzjarji ta’ kull Ministeru.

F’kummenti lil one.com.mt, il-Whip tal-Grupp Parlamentari Laburista Byron Camilleri spjega kif dawn is-seduti tal-estimi jirrikjedu impenn kbir hekk kif f’ġurnata saħansitra jkun hemm tliet seduti parlamentari.

Spjega kif għal Gvern huwa importanti li l-Budget ma jinkitibx biss fuq il-karta iżda anki li jiġi implimentat.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend