Anzjan jinstab mejjet taħt is-sur fil-Pietà – One News

Notifiki

Anzjan jinstab mejjet taħt is-sur fil-Pietà

Anzjan ta’ 75 sena, li kien għadu kif ġie rrapurtat nieqes, nstab mejjet wara li waqa’ minn għoli fil-Pietà.

Il-qraba tal-vittma rrapurtaw nieqes lir-raġel iżda għal-ħabta tas-7:15pm instab mal-art viċin il-ġnien li jinsab fi Triq l-Indipendenza.

L-anzjan ġie ċċertifikat mejjet fuq il-post wara li waqa’ minn għoli ta’ tliet sulari u spiċċa taħt is-sur.

Fuq il-post issejħu wkoll il-membri tal-Protezzjoni Ċivili sabiex jassistu.

Dwar il-każ infetħet inkjesta maġisterjali mill-Maġistrat tal-Għassa Dr. A. Grima.

L-investigazzjoni tal-Pulizija għadhom għaddejin

Ta’ QabelLi Jmiss

Send this to a friend