Il-PN huwa l-akbar xhieda tal-bżonn tas-Central Link – One News

Il-PN huwa l-akbar xhieda tal-bżonn tas-Central Link


Il-midja tal-Partit Nazzjonalista ilha żmien tuża r-rotta tas-Central Link biex tattakka l-Gvern minħabba l-isfida tat-traffiku.

Iżda, għaliex issa l-gvern se jtellaq proġett maġġuri biex jindirizza t-traffiku f’din iż-żona, il-Partit Nazzjonalista ħareġ qatta’ bla ħabel kontrih.

L-ikbar ironija li l-ikbar attakki bil-midja tal-PN ġew fi żmien li kien imexxi l-Partit Simon Busuttil, l-istess bniedem li issa ħareġ kontra li tkun indirizzata din l-isfida. waħda li għal ħafna xhur fis-sena tkun imwaħħla f’ħinijiet kruċjali tal-ġurnata. Tant li l-Partit Nazzjonalista kien jagħżel lilha meta kien irid iwassal il-messaġġ li hemm bżonn isir xi ħaġa.

Iżda, ir-rotta  t-traffikuża ma tiqafx hawn kif jixhdu dawn il-filmati li kien xandar l-istess Net News. Iktar ma tinżel ’l isfel iktar jikber il-bżonn li ssir xi ħaġa.

Bil-proġett tas-Central Link dak li kien issemma f’dan il-filmat huwa għalkollox indirizzat.

In-nies f’dawn ir-rotot mhux se jibqgħu jużaw l-istess triq li tidjieq b’mod li żżid l-uġigħ ta’ ras għal dawk kollha li jkunu sejrin lejn ix-xogħol.

Nies ħafna drabi ffrustrati kif jidher minn kliemhom stess.

Huma dawn is-sitwazzjonijiet li s-Central Link se jindirizza b’mod li l-kwalità tal-ħajja ta’ eluf ta’ persuni se titjieb. Għax inqas ħin fit-traffiku jfisser iktar ħin mal-familja.

Titjieb ukoll il-kwalità tal-ħajja ta’ dawk li joqogħdu fil-qalba tal-irħula bħal Ħal Balzan u Ħ’Attard li jaraw ammont kbir ta’ karozzi ta’ dawk li jkunu jridu jevitaw is-sitwazzjoni li rajna f’dan il-filmat biex imbagħad jeħlu fit-toroq dojoq fiċ-ċentru tar-raħal.

U ladarba bil-proġett jonqos it-traffiku jonqsu wkoll l-emissjonijiet, biex ir-residenti, dawk li jsuqu r-roti f’kilometri ta’ korsiji maħsuba apposta u kulħadd igawdi kwalità ta’ arja aħjar.

Ta’ QabelLi Jmiss
F’dan il-blog Aleander Balzan se jkun qiegħed jikteb ħsibijietu dwar temi differenti li jkunu għaddejjin f’pajjiżna; mill-politika għal temi soċjali u oħrajn kontroversjali. Min jaf lil Aleander jaf li huwa dritt għal punt u dak li għandek tistenna f'dan l-ispazju. Huwa gradwa fl-Istudji Ewropej, il-Komunikazzjoni u l-Politika mill-Università ta’ Malta

Leave a Reply

Your email address will not be published. Required fields are marked *

Send this to a friend