Kompliet tinstema’ l-kumpilazzjoni tax-xhieda fil-każ kontra Alfred u George Degiorgio u Vince Muscat, li huma mixli bil-qtil ta’ Daphne Caruana Galizia.
Fil-qorti, il-Kaptan Reuben Lanfranco qal li mill-filmati ma setax jidentifika n-nies li kienu fuq id-dgħajsa.
Id-difiża qalet li se tressaq rikors biex waħda miż-żewġ dgħajjes tiġi rrilaxxata, bil-prosekuzzjoni ma oġġezzjonatx sakemm din ma tiġix ittrasferita.
Il-kumpilazzjoni mistennija tkompli l-Ħamis li ġej, meta mistenni jixhed rappreżentant tal-kumpanija Vodafone.