Residenti f’Kordin se jibdew jagħżlu x’se jieklu – One News

Notifiki

Residenti f’Kordin se jibdew jagħżlu x’se jieklu

Il-Ministru għall-Intern u Sigurtà Nazzjonali Michael Farrugia, ħabbar li fil-ġimgħat li se jidħlu fis-seħħ għadd ta’ bidliet importanti fil-Faċilità Korrettiva ta’ Kordin.

Il-Ministru qal li lejn l-aħħar tax-xahar se tidħol fis-seħħ sistema ġdida tal-ikel fejn ir-residenti ser jkollhom l-opportunità li jagħżlu huma l-ikel minn menu li se jinbidel kuljum. Dan wara li ttieħdet id-deċiżjoni li l-ikel ma jibqax jissajjar fil-ħabs.

  Il-Ministru Farrugia ħabbar ukoll li wara li tlesta studju estensiv dwar il-faċilità mill-Professur Joseph Giordimaina, se jibda xogħol biex jiġu rranġati bosta nuqqasijiet.

Dawn ir-riformi ntlaqgħu tajjeb mill-uffiċjali kollha tal-faċilità, Ma’ One News l-uffiċċjal Victor Galea qal li din il-bidla hija pass importanti fl-istorja tal-faċilità.

Dawn it-tibdiliet tħabbru waqt ċerimonja ta’ promozzjoni lil ħames uffiċjali fil-Faċilità Korrettiva ta’ Kordin.

Fost dawn il-ħamsa hemm uffiċjal mara fejn issa l-uffiċjali nisa b’dan it-titlu ta’ superviser tela’ għal tnejn. Promozzjonijiet ta’ dan it-tip ilhom ma jsiru għoxrin sena.

Ta’ QabelLi Jmiss

Send this to a friend