Bil-Filmat: Uffiċini ġodda għall-bank Ferratum f’Malta – One News

Notifiki

Bil-Filmat: Uffiċini ġodda għall-bank Ferratum f’Malta

Minn ħolma ta’ grupp żgħir ta’ persuni fil-Finlandja lura fl-2005, għal realtà ta’ bank li 13-il sena wara jinsab f’25 pajjiż u jimpjega madwar 1,000 persuna.

Tliet mija minnhom jaħdmu f’Malta, u minn dan ix-xahar qed iqattgħu l-jum tax-xogħol tagħhom f’uffiċini ġodda u aktar komdi f’ambjent modern u veduti spettakolari fl-isfond.

Fil-preżenza tal-Prim Ministru Joseph Muscat u l-Ministru tal-Finanzi Edward Scicluna, il-Kap Eżekuttiv tal-bank Ferratum Jorma Jokela inawgura l-uffiċini l-ġodda fil-Gżira.Fl-aħħar snin, il-bank Ferratum kien jopera fl-oqsma tal-konsumatur, tan-negozju u tal-mobile banking, iżda issa bbaża l-operat tiegħu fil-qasam tal-Fintech u qed joffri servizzi fil-qasam finanzjarju fuq livell internazzjonali.

Is-Sur Jokela qasam ma’ ONE News is-sigriet, fil-fehma tiegħu, għas-suċċess. Li jkollok nies kapaċi u dedikati f’xogħolhom, persuni li jappoġġjaw l-ideat u l-viżjoni, u Gvern li jifhem l-iżviluppi li jsiru u jappoġġjahom. Tliet affarijiet li sab f’Malta u kellu dan xi jgħid dwar l-għajnuna li sab mill-Gvern Malti.

“They have been really strongly supporting the whole banking industring especially the Fintech industry where you have to use the new technology to make a different service for the customer cheaper and faster available, and I think the Maltese Government is forward running the whole of Europe.”

Il-Kap Eżekuttiv qal li jiltaqa’ u jiddiskuti ma’ rappreżentati tal-Gvern fil-pajjiżi kollha li jopera l-bank Ferratum, iżda jemmen li huwa Malta l-pajjiż li se jmexxi pajjiżi oħra fis-settur.

“We see this very close in the 25 different countries and I have to say that what Malta is doing, in the next few years, many other countries will be following it.”

Il-Prim Ministru Joseph Muscat qal li Malta qed tkompli tkun minn ta’ quddiem biex tagħraf il-potenzjal tal-innovazzjoni fl-oqsma ekonomiċi ġodda fis-servizzi finanzjarji.

Dan filwaqt li tara li tiġbed investiment u tisfrutta talenti ġodda f’kull settur. Xi ħaġa li jinnutawha l-investituri; bil-Kap Eżekuttiv tal-bank Ferratum jaqsam il-pjani li għandu għal Malta għaż-żmien li ġej.

“We see that we will recruit a lot of more new people in the following years especially from the IT, technology, customer service, legal and risk management sectors that are growing really strongly in Malta.”

 

 

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend