BIL-FILMAT: Imut l-artist Malti Gabriel Caruana | One News

Notifiki

BIL-FILMAT: Imut l-artist Malti Gabriel Caruana

 

Tħabbret il-mewt tal-artist Malti Gabriel Caruana fl-età ta’ disgħa u tmenin sena.

Is-Sur Caruana kien pijunier fix-xena lokali tal-arti, u għalkemm kien magħruf l-aktar għax-xogħol tiegħu fiċ-ċeramika u fl-iskultura f’Malta, ma kinitx l-ewwel darba li tella’ esebizzjonijiet madwar l-Ewropa.

Bosta xogħlijiet tiegħu kienu esposti wkoll f’pajjiżi barra mill-Ewropa fosthom Melbourne, Detroit u Osaka.

Il-legat ta’ dan l-artist se jitħalla fil-Fondazzjoni Gabriel Caruana, organizzazzjoni volontarja li taħdem biex tippromwovi u tippreserva l-legat artistiku ta’ esponenti tal-arti moderna u konteporanja, tipprovdi opportunitajiet għal artisti ġodda u tqajjem kuxjenza dwar l-arti moderna u kontemporanja f’Malta u lil hinn minnha.

Matul ħajtu Caruana ħadem biex ikkonverta mitħna qadima f’Birkirkara f’ċentru tal-arti u spazju għall-artisti li jixtiequ jesibixxu x-xogħol tagħhom, illum magħruf bħala The Mill Arts, Culture and Crafts Centre Birkirkara.

Ix-xogħol tiegħu jinsab esibit hemm b’mod permanenti, flimkien max-xogħol ta’ artisti oħra internazzjonali li jinbidel minn żmien għal żmien. (INĠIBU L-MITHNA TA’ BIRKIRKARA)

Il-Fondazzjoni Valletta elfejn u tmintax esprimiet ukoll id-dispjaċir tagħha għat-telfa tas-Sur Caruana u ddeskrivitu bħala wieħed mill-akbar pijunieri ta’ pajjiżna.

Fi tweet, il-Prim Ministru Joseph Muscat iddeskriva lil Caruana bħala wieħed mill-aqwa artisti f’Malta ta’ kull żmien.

 


Ta’ QabelLi Jmiss

Send this to a friend