B'ġenituri Maltin u jikkoċja fl-Awstralja | One News

Notifiki

B’ġenituri Maltin u jikkoċja fl-Awstralja

 

Ommu u missieru huma Maltin, propju minn Ħaż Żabbar. Iżda kienu siefru lejn l-Ingilterra u fl-1973 twieled f’Crawley.

Qed nitkellmu fuq Kevin Muscat, kowċ tat-tim tal-futbol Melbourne Victory, wara karriera jilgħab ma’ timijiet Awstraljani u anke Ingliżi.

Hekk kif jinsab fuq btala f’pajjiżna, One News tkellem mal-eks plejer tat-tim nazzjonali Awstraljan meta kien mistieden fuq il-programm Żona Dinjija.

Fid-dawl li bħalissa tinsab fl-aqwa tagħha t-Tazza tad-Dinja, staqsejnih fuq x’jaħseb mit-tim li kien jirrapreżenta hu.

Muscat tista’ tgħid li kellu karriera pjuttost interessanti meta tħares lejn it-timijiet li lagħab magħhom.

Fost dawn kien hemm Crystal Palace, Wolves u Rangers. Fi kliemu, fl-għaxar snin li għamel jilgħab fir-Renju Unit kien żmien tajjeb u fih ħa gost.

Kisba importanti fil-karriera tiegħu kienet meta rnexxielu jilgħab fl-FA Cup Ingliża.

Wara li tem mil-karriera ta’ plejer fl-2012, Muscat beda jikkowċja lil Melbourne Victory.

Tim li dis-sena rebaħ iċ-Championship.

U fid-dawl li Kevin Muscat għandu ommu u missieru Maltin, u allura ġibda lejn pajjiżna jkun hem bilfors, ma stajnix ma nsaqsuhx fuq jekk għadx naraw lil Muscat jikkowċja f’pajjiżna.

Ta’ QabelLi Jmiss

Send this to a friend