Ix-Xogħol fuq il-Bypass tal-Mellieħa wasal fl-aħħar – One News

Notifiki

Ix-Xogħol fuq il-Bypass tal-Mellieħa wasal fl-aħħar

Ix-Xogħol fuq il-Bypass il-ġdid tal-Mellieħa wasal fl-aħħar, u skont kif pjanat mill-Gvern, se jkun lest fi żmien xahrejn.

 

Dan qalu il-Ministru għat-Trasport, Infrastruttura u Proġetti Kapitali Ian Borg fuq Facebook, fejn spjega li  l-pedamenti ġodda tat-triq, central strip ġdida, u l-ewwel saffi ta’ asfalt tlestew.

Fl-aħħar jiem sar ukoll xogħol ta’ tiswijiet u kisi mill-ġdid ta’ partijiet sostanzjali mir-rotta bejn ix-Xemxija u l-Mellieħa. Fost oħrajn, inbena mill-ġdid parti mill-pont tal-Mistra u ingħata wiċċ ħdid lit-Telgħa ta’ Selmun.

Il-Ministru Borg ikkonferma wkoll li llum se jkun qed jitqiegħed l-aħħar saff ta’ asfalt tat-triq u tas-cycle lane.

 

 

 

 

Ta’ QabelLi Jmiss

Send this to a friend