Il-Qattus u l-qarnita tat-tazza tad-dinja – One News

Notifiki

Il-Qattus u l-qarnita tat-tazza tad-dinja

Tiftakruh lil Pawlu l-qarnita li qata’ diversi logħbiet matul it-Tazza tad-Dinja ta’ tmien snin ilu.

Kull edizzjoni riċenti tat-Tazza tad-Dinja saret marbuta ma’ xi annimal li skont uħud ikollu kapaċità li jbassar min se jirbaħ il-logħob milgħub fil-grawnd.

Achilles, qattus trux fir-Russja ġie preżentat bħalikieku l-annimal uffiċjal li din is-sena se jkun qed jipprova jaqta’ l-logħob.

Dan il-qattus, residenti ġo mużew f’San Pietruburgu qed jiġi mħarreġ biex ibassar il-logħob billi jagħżel l-ikel fuq żewġ plattini differenti.

Huwa rnexxielu jbassar b’mod tajjeb l-ewwel logħba meta għalkemm xamm ftit l-ikel provdut fuq il-plattin abbinat mal-bandiera Għarabja Sawdija, dlonk mar iduq l-ikel fuq in-naħa tal-bandiera Russa.

Insomma, meta tqis li l-ebda pajjiż ospitanti qatt ma tilef l-ewwel logħba tat-Tazza tad-Dinja, dan l-imbierek qattus m’għamilx xi bravura kbira.

Irridu nistennew u naraw x’se jagħmel dan il-qattus meta niġu għal-logħob ferm missielet.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend