Aġġornat bil-filmat: Il-Kuntistabbli Simon Schembri jerġa' jibda jimxi | One News

Notifiki

Aġġornat bil-filmat: Il-Kuntistabbli Simon Schembri jerġa’ jibda jimxi

L-Erbgħa filgħodu kompliet il-kumpilazzjoni tax-xhieda kontra Liam Debono ta’ sbatax-il sena, b’esperti forensiċi u xhieda se jkunu qed jagħtu x-xhieda tagħhom.

Fost ix-xhieda tkellem is-Surġent Gareth D’Amato, li spjega kif Debono Debono prova jsuq il-vettura tat-tip Mercedes fi triq dejqa.

Madanakollu, huwa spiċċa maqbud, ħabat ġo ħajt, ħareġ minn ġol-karozza u prova jaħrab f’għalqa tal-qamħ.

Is-Surġent D’Amato qal li l-akkużat ċeda mill-ewwel, għolla jdejh, u qal lill-uffiċjali li kien taħt l-eta, filwaqt li l-karozza kienet misruqa u kienet t’ oħtu.

L-Erbgħa filgħodu tkellmu wkoll diversi uffiċjali li kienu minn tal-ewwel fuq il-post, u kif ukoll xhieda li kienu fuq il-post.

Kenneth Darmanin, li għandu ħanut viċin fejn seħħ il-każ, spjega kif sema ħoss kbir, u ra l-Mercedes tgħolla ‘l fuq.

Qal li wara li seħħ dan, innota li tħalliet xi ħaġa sewda mal-art. Għall-ewwel ħaseb li kien bumper iżda mbagħad induna li kienet persuna. Apparti li ċempel 112, irrealizza li l-persuna kienet pulizija.

Christopher Mamo, li kien fi triqtu lejn Ħal Qormi għax-xogħol, ra l-vettura tinstaq b’mod aggressiv, u ma kinitx l-ewwel darba li rah dakinhar stess.

Dan hekk kif għaraf l-isticker safra li kellha l-Merceds fuq il-windscreen bil-kliem ‘bil-magħqud’.

Spjega kif is-sewwieq prova jaqilgħu minn fuq ix-xellug, u anke ħaseb li kien qed jiġri warajh.

Kien hawn li tefa mal-ġenb quddiem iż-żona industrijali ta’ Ħal Luqa u meta ħares fil-mera, ra xi ħaġa mal-art, hekk kif il-vettura għaddiet riħ minn ħdejh.

Huwa rrealizza li mal-art kien hemm persuna, u mill-elmu nduna li kien pulizija.

Kien hawn li ħareġ jiġri mill-karozza, ġera lejn il-vittma u ċempel fuq il-196 u fuq il-112.

Wara li għamel hekk, huwa beda jżomm lil dawk preżenti ‘l bogħod minn Simon Schembri, hekk kif huwa jaħdem fil-qasam mediku u ħass li kellu jgħin.

Intant, l-Ispettur Fabrian Fabri qal fil-Qorti li l-pulizija għad ma kellix aċċess għal kontenut fil-mobile ta’ Debono.

Huwa spejga li jekk l-akkużat mhux se jithom il-pattern li bih jinfetaħ l-aċċess, mhux se tkun tista tinkiseb id-data.

Il-Maġistrat Joe Mifsud ġab fi tmiem il-kumpilazzjoni tal-evidenza, filwaqt li ddeċieda li hemm evidenza b’saħħitha biżżejjed biex Liam Debono jgħaddi ġuri.

Fil-Qorti ntqal ukoll li Simon Schembri qed jirrispondi sew għal kura li qed tingħatalu, fejn saħansitra ħareġ mis-sodda u mexa distanza qasira wkoll.

Ta’ QabelLi Jmiss

Send this to a friend