Jitnieda l-Beland Music Festival | One News

Notifiki

Jitnieda l-Beland Music Festival

Għas-seba’ sena konsekuttiva, tnieda l-Beland Music Festival.

Opportunità eċċellenti biex artisti u bands lokali jippromwovu u juru t-talent tagħhom.

Dan stqarru l-Ministru għall-Kultura, Owen Bonnici li fisser kif dan huwa wkoll wieħed mill-festivals li qiegħed jibbenefika mill-Cultural Partnership Agreement fi ħdan il-Kunsill Malti għall-Arti.

Dan permezz ta’ ftehim li qiegħed jgħin għas-sostenibbiltà, kontinwazzjoni u professjonalizzazzjoni ta’ dan il-festival.

Il-Ministru Bonnici stqarr li din l-attività hija possibli permezz tal-ħidma ta’ aktar minn mitt voluntier li jiddeddikaw ħinhom biex joħolqu dan il-festival, li jittella’ fuq tliet ijiem.

Fost l-artisti li ser jieħdu sehem hem The Travellers, id-DJs Ruby u Ziggy, kif ukoll Kapitlu13 bis-sapport ta’ Marmalja.

Il-Beland Music Festival se jittella’ fil-Pjazza tas-Suq fiż-Żejtun fi tmiem il-ġimgħa, mit-tmienja ta’ filgħaxija ‘il quddiem.

 

Ta’ QabelLi Jmiss

Send this to a friend