L-investiment dirett barrani f’Malta fl-ewwel sitt xhur tas-sena li għaddiet żdied b’1,200 miljun ewro skont l-uffiċċju nazzjonali tal-istatistika.
L-NSO qal li sa Ġunju li għadda, l-investiment Dirett Barranin f’Malta laħaq aktar minn 165.5 biljun ewro, żieda ta’ kważi disa’ biljun ewro meta mqabbel mal-istess perjodu s-sena li għaddiet. Fl-istess waqt l-investiment tal-Maltin f’pajjiżi oħra kien ta’ aktar minn 62 biljun ewro.
L-uffiċċju tal-Istatistika qal li ż-żieda fl-investiment barrani f’Malta kienet l-aktar mill-kumpaniji tas-servizzi finanzjarji u tal-assigurazzjoni li bejniethom għandhom 98 fil-mija tal-investiment barrani f’Malta.