Delia jattakka kollox bħal ta’ qablu – One News

Notifiki

Delia jattakka kollox bħal ta’ qablu

F’intervista ta’ tlett kwarti, fuq ir-radju tiegħu, waħdu ma jmerih ħadd, il-Kap Nazzjonalista Adrian Delia kompla jikkonferma li huwa l-istess bħal ta’ qablu.

Fost id-dikjarazzjonijiet surreali li għamel minkejja li saħaq li huwa l-mod ġdid, spiċċa jattakka l-investimenti li qed jiġu f’pajjiżna.

“Mod ġdid u din kienet l-għajta tagħna imma mhux slogan, ta’ kif naraw l-affarijiet” qal delia.

Spiċċa l-intervista fuq ir-Radju tiegħu bil-mod ġdid u għamel tlett kwarti l-istess bħal ta’ qablu.

Tul l-intervista fuq ir-radju tal-Partit Nazzjonalista, il-Kap Nazzjonalista Adrian Delia kompla bis-sensiela ta’ dikjarazzjonijiet negattivi.

Bħal predeċessur tiegħu li ħatru kelliem għal good governance, Adrian Delia fetaħ attakk bla rażan kontra l-investiment tal-Crane Currency f’Malta.

Delia attakka wkoll l-investiment ta’ Steward Healthcare fl-isptarijiet tagħna.

Fl-isfond li l-Gvern ta żidiet lill-għalliema fl-iskejjel, matul l-intervista spikkaw ukoll dikjarazzjonijiet surreali min-naħa tal-Kap tal-Oppożizzjoni.

“Il-Labour kontra t-tagħlim, kontra l-edukazzjoni” qal Delia.

Sadanittant Adrian Delia anki fuq ir-radju tiegħu, waħdu ma jmerih ħadd, spiċċa jinfexx f’aktar attakki flok spjega l-viżjoni li għandu hu għall-pajjiż.

Delia sostna: “Il-PN il-viżjoni fit-tul għall-edukazzjoni u anki għall-ambjent, x’qed jgħidilhom lin-nies, x’qed noffru?” “Mela l-ewwel nies il-PL bilfors m’għandux viżjoni fit-tul.”

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend