Aktar deputati lesti jivvotaw kontra l-mozzjoni ta' Delia | One News

Notifiki

Aktar deputati lesti jivvotaw kontra l-mozzjoni ta’ Delia

Tmien deputati Nazzjonalisti llejla mistennija jivvotaw kontra l-mozzjoni ta’ Adrian Delia. Il-mozzjoni ppreżentata jiem wara l-ħatra ta’ Delia fit-tmun tal-partit, titlob li persuni li jkunu għaddejjin mill-proċess tal-IVF ma jingħatawx 100 siegħa leave.

Din l-aħbar issegwi dik tal-bieraħ, li d-Deputat Nazzjonalista Therese Comodini Cachia ddikjarat li se tmur kontra l-mozzjoni tal-Oppożizzjoni. Bil-lista ta’ dawk kontra l-istess mozzjoni tkompli tiżdied.

ONE NEWS jinsab informat li minkejja li affaċċjat bi kritika ħarxa internament, il-Kap tal-Partit Nazzjonalista Adrian Delia xorta waħda ddeċieda li mhux se jagħti free vote dwar din il-mozzjoni. Id-deputat nazzjonalista Therese Comodini Cachia qalet li hi se tivvota kontra l-Partit Nazzjonalista, għaliex tħoss li għandha tivvota skont il-kuxjenza tagħha. Sorsi fid-Dar Ċentrali qalu li mhux eskluż li Adrian Delia isejjaħ laqgħa urġenti tal-grupp Parlamentari wara r-rabja li qanqal fil-partit u l-pressjoni li qed jaffaċċja.

Id-Deputati Nazzjonalisti qed jargumentaw li Delia qed jagħmel U-turn wara l-oħra, dan hekk kif anke fuq dan il-vot ma żammx kelmtu. Dan hekk kif kien biss ftit jiem ilu li Delia qal li dwar kwistjonijiet morali se jkun qed jagħti free vote.

Ta’ QabelLi Jmiss

Send this to a friend