AĠĠORNAT: Tifel ta’ 6 snin jindarab gravi wara li ttajjar minn karozza fiċ-Ċirkewwa – One News

AĠĠORNAT: Tifel ta’ 6 snin jindarab gravi wara li ttajjar minn karozza fiċ-Ċirkewwa

Tifel ta’ sitt snin indarab gravi f’inċident tat-traffiku li seħħ tard il-Ħadd filgħaxija fiċ-Ċirkewwa.

L-inċident seħħ ilbieraħ, għall-ħabta tas-sebgħa u nofs ta’ filgħaxija fi Triq il-Marfa, il-Mellieħa.

Il-Pulizija marret minnufih fuq il-post, fejn minn stħarriġ preliminari illi sar irriżulta li tifel Ġermaniż ta’ 6 snin safa’ milqut minn vettura tat-tip Mercedes Benz li dak il-ħin kienet qegħda tiġi misjuqa minn ġuvni ta’ 27 sena residenti l-Mosta.

Fuq il-post issejħet ambulanza li ħadet lill-vittma l-Isptar Mater Dei sabiex jingħata l-kura meħtieġa. Aktar tard huwa ġie iċċertifikat li qiegħed isofri minn ġrieħi serji.

Bil-każ ġie nfurmat il-Maġistrat tal-Għassa Dr. A. Bugeja LL.D, fejn ħatar diversi esperti sabiex jassistuh fl-Inkjesta.

L-investigazzjonijiet tal-Pulizija għadhom għaddejjin.

Ta’ QabelLi Jmiss

Leave a Reply

Your email address will not be published. Required fields are marked *

Send this to a friend