Antoine Borg jinqabad ma' DCG | One News

Notifiki

Antoine Borg jinqabad ma’ DCG

L-edeputat Nazzjonalista, Antoine Borg, inqabad bħala wieħed minn dawk li qed jgħaddi t-tagħrif lil Daphne Caruana Galizia kontra Adrian Delia. 

Kien żball tiegħu u anke ta’ Caruana Galizia li kixef lill-eks deputat, li baqa’ l-art fl-aħħar elezzjoni ġenerali. 

Meta bagħat ritratt lill-blogger, jew aħjar screen shot, ta’ partitarji ta’ Delia jattakkaw lilha Antoine Borg nesa jneħħi l-parti fejn seta’ jikkummenta hu. 

Xhieda li r-ritratt ittieħed bilfors mill-kompjuter jew mobile ta’ Borg u minn fuq il-profil ta’ facebook tiegħu. 

Anke Caruana Galizia nesiet tneħħih u għalhekk lil Borg kixfitu ma’ kulħadd. 

Ir-ritratt juri wħud mill-partitarji ta’ Delia li t-Tnejn niżlu d-Dar Ċentrali jagħtuh l-appoġġ. Nies mhux mill-ħelwin. “Iktar ħamalli heavies Daphne, jien Censu l-Iswed u Jesmond il-ħajta,” kien jgħid ir-ritratt ta’ Johann Vella li tela’ fuq facebook.  Vellla kompla jikkummenta billi qal li la f’ilsienu lanqas fil-parti intima tiegħu, biex nużaw kliem iktar pulit, m’għandu ħajta. 

F’ritratt ieħor b’Adrian Delia fl-isfond, Vella jikteb “Hawn aħna l-ħamalli u l-heavies Daphne… il-McKay sella għalik… Mur indifen demel kollok.” 

Il-fatt li dawn ir-ritratti ntbagħtu lil Caruana Galizia minn Borg qajjem kritika kbira kontra tiegħu online. 

B’nazzjonalisti jgħajruh li falla partit meta kien jaħdem id-Dar Ċentrali u li aħjar imur il-parlament iħammel imnieħru, kif kien inqabad jagħmel darba. 

Jirriżulta li Borg tagħtu rasu quddiem dawn l-attakki u beda jipprova jbellagħha li kien persuna oħra li għadda r-ritratti lill-blogger tal-Partit Nazzjonalista wara li bagħtulu privatament. Temmnu? 

Ta’ QabelLi Jmiss
F’dan il-blog Aleander Balzan se jkun qiegħed jikteb ħsibijietu dwar temi differenti li jkunu għaddejjin f’pajjiżna; mill-politika għal temi soċjali u oħrajn kontroversjali. Min jaf lil Aleander jaf li huwa dritt għal punt u dak li għandek tistenna f'dan l-ispazju. Huwa gradwa fl-Istudji Ewropej, il-Komunikazzjoni u l-Politika mill-Università ta’ Malta

Send this to a friend