BIL-FILMAT: Jattakka gowler! – One News

Notifiki

BIL-FILMAT: Jattakka gowler!

Partita futbol fl-Iżvezja kienet abbandunata wara li l-gowler ta’ Ostersund kien attakkat minn partitarju liebes maskra.

Aly Keita spiċċa fl-art b’daqqa ta’ ponn, b’numru ta’ plejers u membri tas-sigurtà jduru mal-aggressur biex jinħareġ ’il barra. Il-partita ġiet abbandunata, bid-delegat tal-partita jkun ikkwotat jgħid li Keita ma kienx f’qagħda li jkompli l-partita. Il-kowċ ta’ Ostersund Graham Potter, eksplejer ta’ West Bromwich Albion, qal li “Kieta jinsab ixxukkjat. Ma jinsabx tajjeb.”

Ftit sigħat wara li seħħ l-inċident, Keita, kemxejn stordut, esprima d-dispjaċir tiegħu għal dak li seħħ. “Ninsab ixxukkjat u rrabbjat. Diżgustanti li xi ħaġa simili tista’ sseħħ.”

Il-partitarju, ta’ 17-il sena, ġie arrestat u interrogat.

Fil-ħin li seħħ l-inċident, Ostersund u Jonkoping Sodra kienu fi draw ta’ 1-1.

 

Ta’ QabelLi Jmiss

Send this to a friend