‘Agatha Barbara’ fl-Olimpjadi ta’ Rio! – One News

Notifiki

‘Agatha Barbara’ fl-Olimpjadi ta’ Rio!

Kull min qed isegwi l-Olimpjadi ta’ Rio seta’ kien xi ftit perpless, hekk kif fuq it-televiżjoni feġġ l-isem ‘Agatha Barbara’, tirrappreżenta lill-Brażil!

Agatha Bednarczuk u Barbara Seixas De Freitas flimkien ikkompetew kontra l-Islovakki l-nhar is-Sibt, u ħarġu rebbieħa. Kif inhu tipiku fil-beach volleyball u sport li fih wieħed jipparteċipa f’pari, jittieħed l-ewwel isem ta’ kull atleta. Fil-każ t’Agatha u Barbara, ir-riżultat kien sinnifikanti.

Mar-rebħa ta’ nhar is-Sibt, Barbara ddeskriviet l-ansjetà li ħasset dwar il-fatt li kienet se tilgħab f’pajjiżha stess. Qalet li Agatha għentiha ħafna, li l-folla kienet spettakolari, u li tixtieq li kull logħba jkollha l-istess ammont ta’ enerġija.

 Min jaf joħorġux rebbieħa!

Screen Shot 2016-08-09 at 06.33.49

Screen Shot 2016-08-09 at 06.31.15

Ta’ QabelLi Jmiss

Send this to a friend